Polşanın Baş naziri Mateusz Morawiecki açıqlayıb ki, Ukrayna münaqişəni bu şəkildə qızışdırsa, Polşa ərazisinə idxal qadağasına daha çox məhsul əlavə edəcəklər.
Ednews zdf.de nəşrinə istinadən xəbər verir ki, Polşada yayımlanan Polsat News-a danışan Morawiecki, Ukrayna ilə Polşa arasında son günlər yaşanan taxıl böhranı ilə bağlı qiymətləndirmələr edib.
Ukraynanın qələbəsinə hələ də inandıqlarını və kömək etdiklərini qeyd edən Morawiecki deyib ki, bizim maraqlarımız, Polşa fermerlərinin, kəndlərinin, polyakların maraqları hər şeydən önəmli olmalıdır. Dünyada kim nə deyirsə desin, belə olacaq. Çünki biz Şərqdən və Qərbdən gələnlərik.
Qeyd edək ki, Ukrayna-Rusiya müharibəsinin başlaması ilə Ukraynadan qurudan Şərqi və Mərkəzi Avropa ölkələrinə xeyli miqdarda taxıl və ərzaq məhsulları göndərilməyə başlandı. Ukraynanın kənd təsərrüfatı məhsulları sərhədyanı ölkələr olan Polşa, Macarıstan, Rumıniya, Slovakiya və yaxınlıqdakı Bolqarıstan bazarlarına daxil olub.
Xatırladaq ki, Ukraynanın ucuz taxıl və ərzaq məhsulları bu ölkələrdə fermerləri narahat edib və hökumətlər Ukrayna məhsullarına qadağa qoyub. Ölkələrin Ukraynadan taxıl idxalı ilə bağlı narahatlığını aradan qaldırmaq üçün Aİ Komissiyası fermerlərə əlavə dəstəyin göstərilməsini və məhsulların tranzitinə icazə verildiyi təqdirdə bəzi Ukrayna məhsullarına məhdudiyyətlərin qoyulmasını ehtiva edən plan hazırlayıb.
Bu kontekstdə Aİ mayın 2-də müvəqqəti tədbirlər həyata keçirməyə başlayıb və Polşa, Macarıstan, Rumıniya, Slovakiya və Bolqarıstanın Ukraynadan buğda, qarğıdalı, kolza və günəbaxan idxal etməməsini təmin edib.
Ukrayna İqtisadiyyat Nazirliyi sentyabrın 18-də Polşa, Slovakiya və Macarıstana qarşı ölkədən kənd təsərrüfatı məhsullarının idxalına qadağa qoyulması səbəbilə ÜTT-də iddia qaldırıldığını açıqlayıb.
Xəyal Ramiz