Britaniya hökumət rəsmilərinə görə, SSN-AUKUS yeni nəsil hücum sualtı layihəsinin yeni mərhələsini maliyyələşdirmək üçün dörd milyard funt sterlinq (4,8 milyard dollar) dəyərində müqavilələr imzalayıb.
Ednews AFP-yə istinadən xəbər verir ki, Britaniyanın “BAE Systems”, “Rolls-Royce” və “Babcock” şirkətlərinin də iştirak etdiyi sövdələşmələr Asiya-Sakit Okean regionunda Çinə qarşı mübarizə aparmaq üçün ABŞ, Avstraliya və Böyük Britaniya arasında AUKUS (Avstraliya, Böyük Britaniya və ABŞ) hərbi ittifaqının bir hissəsidir.
Böyük Britaniyanın müdafiə naziri Qrant Şapps Mançesterdə keçirilən Mühafizəkarlar Partiyasının illik konfransında deyib ki, sualtı qayıqlar Kral Donanmasına dəniz altında strateji üstünlüyü qorumaq üçün güc verəcək.
AUKUS liderləri mart ayında Avstraliyanın dizellə işləyən sualtı qayıqlarını daha böyük gizlilik və uçuş məsafəsinə malik nüvə enerjili sualtı qayıqlarla əvəzləyəcək bir razılaşmada birgə sualtı layihəsini təqdim ediblər.
Plan Avstraliyanın ABŞ-ın nüvə enerjisi ilə işləyən sualtı qayıqlarını almasını, sonra isə ABŞ və Britaniya texnologiyası ilə yeni modelin inşasını nəzərdə tutur.
Britaniyanın baş naziri Rişi Sunak bunu “nəsillər üçün ən mühüm çoxtərəfli müdafiə sazişi” kimi qiymətləndirib.
Ayrı bir açıqlamada, o, “BAE Systems”in gələcək SSN-AUKUS-un Kral Donanmasına verilən "ən böyük, ən güclü və ən qabaqcıl sualtı qayıq" olacağını söyləyib.
İngilis hərbi avadanlıq istehsalçısı, sərmayənin "2028-ci ilə qədər inkişaf işlərini" və İngiltərənin şimalındakı Barrow-in-Furness saytında "5,000-dən çox insanın işə götürülməsini" əhatə edəcəyini söyləyib.
Bu sualtı qayığın ilk nümunələri 2030-cu illərin sonunda təhvil verilməlidir.
Nüvə enerjisi ilə işləyən sualtı qayıqları aşkar etmək çətindir, uzun müddətə böyük məsafələr qət edə bilir və mürəkkəb qanadlı raketləri daşıya bilir.
Ülviyyə