İspaniyanın cənub ucqarında  yerləşən və 18-ci əsrdən bəri Britaniya hakimiyyəti altında olan Cəbəllütariqin statusu və İspaniya ilə sərhədə necə nəzarət ediləcəyi İngiltərənin 2016-cı ildə Avropa İttifaqından çıxmağa səs verməsindən sonra müzakirə mövzusu olub.

Ednews euronews-a istinadən xəbər verir ki, anklav Böyük Britaniya və Aİ arasında əldə olunan razılaşmadan çıxarılıb.
İspaniya, Böyük Britaniya və Avropa Birliyi 31 dekabr 2020-ci il tarixində, İngiltərə bloku tamamilə tərk etməzdən bir neçə saat əvvəl razılığa gəldilər ki, Cəbəllütariq Şengen zonası kimi Aİ razılaşmalarının bir hissəsi olaraq qalacaq və qalıcı həll tapılana qədər İspaniya liman və hava limanına nəzarət edəcək. 

Avropa Komissiyası və İspaniya Böyük Britaniyaya Cəbəllütariqin İspaniya ilə quru sərhədinin 2022-ci ilin sonunda açıq saxlanılmasını və insanların sərbəst hərəkətinin təmin edilməsini nəzərdə tutan təklif göndərib.

İspaniya 1713-cü ildə Aralıq dənizinin ağzındakı bu yarımadanı Britaniya hakimiyyətinə buraxdı, lakin onu geri almaq üçün cəhdlər etdi. 2002-ci ildə anklavda keçirilən referendumda yarımadanın əhalisi İspaniyanın nəzarətinə keçməyi qəti şəkildə rədd edib.

Brexit-ə də qarşı çıxan Cəbəllütariq xalqı 96 faiz böyük səs çoxluğu ilə Britaniyanın Avropa İttifaqından çıxmasına “yox” dedi. 

Bölgə əhalisinin yarısının İspaniyadakı işlərinə getmək üçün hər gün sərhədi keçmək məcburiyyətində qalması və Brexit-in bölgə əhalisinə böyük maddi ziyan vurması riski bu cavabda mühüm rol oynayıb.

Xəyal Ramiz