Yaponiyanın Ankaradakı səfirliyi terror təşkilatı PKK-nın Yaponiya İctimai Təhlükəsizlik Kəşfiyyat İdarəsinin (PSIA) terror təşkilatları siyahısına daxil edildiyini açıqlayıb.
Ednews yapon mediasına istinadən xəbər verir ki, PSİA-nın beynəlxalq terror təşkilatları siyahısının yer aldığı internet saytının bir neçə gün əvvəl yeniləndiyi və daha əvvəl siyahıya daxil edilməyən PKK-nın da siyahıya əlavə edildiyi bildirilib.
Açıqlamada “Yaponiya hökumətinin PKK-nı 2002-ci ildən etibarən aktivləri dondurulmalı olan terror və bənzər təşkilatlar sırasına daxil etdiyi və PKK-nın həyata keçirdiyi terror aktlarını pislədiyi” vurğulanıb.
Terror təşkilatı PKK Yaponiya Ədliyyə Nazirliyinə bağlı PİA-nın daha əvvəl yenilədiyi “Əsas Beynəlxalq Terror Təşkilatları” siyahısına və “Ümumi Trendlər” cədvəlinə daxil edilməyib.
Əl-Qaidə, Boko Haram, Əl-Şəbab, DAİŞ, Yaponiya Qırmızı Ordusu və Aum Şinrikyo kimi həm yerli, həm də beynəlxalq terror təşkilatlarının yer aldığı siyahıda PKK-nın yer almaması diqqət çəkib.
Xəyal Ramiz
