Katoliklərin ruhani lideri və Vatikanın lideri Papa Fransisk bazar günü duasında dünyada davam edən qarşıdurmaları unutmamalı olduqlarını bildirsə də, bu dəfə daha əvvəl Ukrayna və Fələstinlə yanaşı sadaladığı İsraili qeyd etməyib.
Ednews sozcu.com-a istinadən xəbər verir ki, Vatikanda Müqəddəs Pyotr meydanına baxan ofisinin pəncərəsindən ənənəvi bazar günü duasını edən Papa Fransisk Sudan və Mozambikdə sülh üçün dua edərək, unutmayaq ki, müharibə həmişə məğlubiyyətdir”- dedi.
Papa daha əvvəl oktyabrın 7-dən etibarən demək olar ki, hər bir mühüm tədbirdə və bazar duasında münaqişənin dayandırılmasını arzuladığını bildirsə də, bu dəfə Ukrayna və Fələstinlə birlikdə bəhs etdiyi İsrailin adını çəkməməsi diqqət çəkib.
Papa Fransiskin İsrailin adını çəkməməsi həftə ərzində Vatikan-İsrail münasibətlərində yaranmış diplomatik gərginliyə təsadüf edib.
Dəfələrlə Ukrayna və Yaxın Şərq üçün sülh çağırışı edən Papa, İsrail-Fələstin məsələsində verdiyi mesajlara görə bəzən bəzi yəhudi qruplarının reaksiyasına səbəb olub.
Xəyal Ramiz
