Trampın təqsirli olub-olmaması ilə bağlı müzakirələrə başlayıb.

Ednews Qərb mətbuatına istinadən xəbər verir ki, ötən gün tərəflərin bağlanış nitqlərindən sonra 12 nəfərlik münsiflər heyəti Trampın mühakimə olunduğu 34 ittiham üzrə günahkar olub-olmadığına qərar vermək üçün məhkəmə binasında iclas keçirib.

Münsiflər yekdilliklə Trampın ittihamların hər biri üzrə təqsirli olub-olmamasına qərar verməli olublar.
Hər hansı ittiham maddəsi üzrə konsensus əldə olunmazsa, hakim andlı iclasçıların dalana dirənməsi barədə qərar çıxararaq işi dayandıra bilər.

Münsiflər heyətinin bir qərara gəlməsinin neçə gün çəkəcəyi məlum deyil. 
Müşahidəçilər hesab edir ki, işin vacibliyinə görə, kollegiyanın qərarı gələn həftəyə qədər təxirə salına bilər.
Tramp iddianın siyasi səbəblərdən onun prezident seçkilərindəki rəqibi Co Bayden hökuməti tərəfindən açıldığını iddia edərək, “Burada baş verənlər heç kimin görmədiyi səviyyədə (siyasi) silahlanmadır və buna yol verilməməlidir”.
Qeyd edək ki, ilk dəfə Tramp 2023-cü il aprelin 4-də Nyu-Yorkda hakim qarşısına çıxıb.

Ona qarşı irəli sürülən 34 ayrı ittihamı rədd edən Tramp ittihamları “siyasi cadugər ovu” kimi qiymətləndirib və ittihamları “seçkilərə müdaxilə” kimi qələmə verib.

Onu da əlavə edək ki, Tramp ABŞ tarixində hakim qarşısına çıxan ilk keçmiş prezident kimi qeydə alınıb.

Mikayıl