"EDnews" xəbər verir ki, vətəndaşlar məhkəmənin hökmü ilə dövlət orqanlarına seçilməsi qadağan edilmiş “Milli Birlik” Partiyasının parlament fraksiyasının lideri ilə həmrəyliklərini ifadə etməyə gəliblər.

Mitinq iştirakçıları arasında hər yaşda olan insanlar, istər gənclər, istərsə də yaşlı fransızlar olub. Siyasətçinin özü də mitinqə gəlib. O, çıxışında məhkəmənin qərarının vətəni, xalqı, şərəfi tapdaladığını bildirib.

"Hamının bilməsini istəyirəm: təslim olmayacağam. Bizə qarşı keçirilən məhkəmə prosesinin siyasi fonunu vurğulamaqdan çəkinmirəm. Bu, məhkəmə qərarı deyil. Bu, siyasi qərardır, siyasətçilər üçün ovdur" - Le Pen deyib.

Bazar ertəsi Paris məhkəməsi Le Pen və sağçı “Milli Birlik” Partiyasından olan bir neçə parlament üzvünə Avropa Parlamentinin vəsaitlərinin mənimsənilməsi işi üzrə hökm çıxarıb. İttihama görə, Avropa Parlamenti 2004-2016-cı illər arasında Le Penin partiyasından olan deputat köməkçilərinə maaş vermək üçün vəsait ayırıb, amma reallıqda köməkçilər yalnız “Milli Birlik” Partiyası üçün çalışıblar. Le Pen AP pullarının yuyulması üçün "mərkəzləşdirilmiş sistem" yaratmaqda təqsirkar bilinib.

Mədinə Məmmədova\\EDnews