İran Prezidenti Məsud Pezeşkian ölkəsinin Qətər banklarında saxlanılan 6 milyard dollarlıq vəsaitinin sərbəst buraxılacağını bildirib.
EDnews xəbər verir ki, bu barədə İran lideri açıqlama verib.
Məlumata görə, söhbət İranın neft satışından əldə etdiyi və sanksiyalar səbəbindən məhdudlaşdırılan vəsaitlərdən gedir. Bu vəsaitlərin humanitar məqsədlər, o cümlədən ərzaq və dərman alınması üçün istifadə olunacağı bildirilir.
Qərb mediasının məlumatına görə, ABŞ və Qətər İranın Qətərdə saxlanılan 6 milyard dollarlıq aktivlərinə çıxışının təmin edilməsi ilə bağlı plan üzərində işləyir. Vəsaitlərin istifadəsinin mərhələli şəkildə və nəzarət mexanizmləri çərçivəsində həyata keçirilə biləcəyi qeyd olunur.
Qeyd edək ki, həmin vəsaitlər daha əvvəl Cənubi Koreya banklarında saxlanılıb və 2023-cü ildə ABŞ-İran məhbus mübadiləsi razılaşması çərçivəsində Qətərdəki hesablara köçürülüb.







