Hələ 1997-ci ildə yalnız Polşanın NATO tərkibi altında olduğu halda, indi ona yaxın olan Baltikyanı ölkələr olan Esotiniya, Latviya və Litva da Rusiyaya qarşı hərbi plana dəstək üçün üzv olduqları alyansa müraciət ediblər.
Brüssel görüşündən sonra Rusiya və NATO arasında müsbət heç bir nəticənin əldə edilməməsi tərəfləri daha kəskin davranmağa vadar edib. İki inadkar tərəf artıq bir-birinə qarşı barmaqlarını tətikdə saxlayıb.
Son görüşdə Rusiya rəsmiləri şərq sərhədlərinin təhlükəsizliyi barədə təminat istəsələr də, Qərb bunu cavabsız buraxıb. Belə ki, Rusiyanın narahat olduğu NATO qüvvələrinin soz on il ərzində Avropanın şərq sərhədlərinə qədər genişlənmə siyasəti daha yeni üzvləri öz təsiri altına ala bilib.
“Bir halda ki, Rusiya Ukrayna və Avropanın sərhədlərində hərbi gücünü genişləndirir, bu əlbəttə Baltikyanı ölkələri də narahat edir”,- deyə bu ifadələri Estoniyanın Baş naziri Keya Kallas mediaya açıqlamasında işlədib.
Nazir həmçinin, Moskvanı konstruktiv danışıqlara çağırıb və Kremlə Ukraynada vəziyyətin gərginləşməsi səbəbindən sanksiyaların daha genişlənəcəyini mesaj olaraq göndərib. O, eyni zamanda bildirib ki, Qərb indi heç nəyi səhv etmir və Rusiyaya hücum etmək üçün silahlı qruplar yaratmır.
Şübhəsiz baş verənlərlə bağlı Rusiya tərəfi də cavabsız qalmayacaq. Hətta bir çox ekspertlərin rəyinə görə, yaxın zamanda müharibə baş verməsi qaçılmaz ola bilər.
Proseslərlə bağlı litvalı jurnalist, Beynəlxalq Avrasiya Mətbuat Fondunun və Azərbaycan ictimaiyyətinin yaxın dostu Riçardas Lapaitis EDNews.net-ə açıqlama verib.
“Əgər məsələyə Ukrayna müstəvisindən yanaşarsaq, o zaman müharibədən danışmaq tez olar. Fikrimcə ortada Rusiyaya qarşı sanksiyalar və onalrın artırılması kimi planlar var. Ukrayna ərazisində NATO-nun aktiv müharibə aparmaq kimi bir niyyəti yoxdur. Bu tip plan indiki halda nə ABŞ, nə də Avropa üçün uyğun deyil”.
Lapaitis həmçinin Ukraynaya dəstəklə bağlı Baltikyanı dövlətlərin mövqeyinə də toxunub.
“Rusiya ilə Qərbin problemi Ukraynadan keçir, yəni bu problemin şah damarıdır. Uraynaya dəstəklə bağlı Baltikyanı ölkələr də NATO-ya dəstyi əsirgəmir. Biz uzun zamandır ki, bu sahədə Ukraynaya lazımi yardımı edirik.
O ki, qaldı Rusiyanın Qərbə qarşı hərəkətə keçməsinə, hesab edirəm ki, Ukrayna Rusiyanın ilişib qalacağı yeganə ölkə olacaq. Ukrayna o qədər də balaca ölkə deyil və onun hər tərəfli dəstəyi mövcuddur.
Onu da qeyd edim ki, Estoniya, Latviya və Litvanın NATO ilə ortaq razılığı var. Əgər müharibə olarsa şübhəsiz biz bu razılığa sadiq qalacağıq”.
Elnur Ənvəroğlu