Onsuz bir dəqiqə belə qala bilmirəm... - Oğuz Ayvaz yazır...

Yazarlar 10:20 03.04.2024

Ednews Oğuz Ayvazın "Ən dəyərli əşyam" adlı yazısını təqdim edir:

Həyatımda ən dəyərli əşyam, hətta deyərdim ki, ən yaxınım eynəyimdir. Eynəyim mənim gözlərimdir. İlk dəfə 18 yaşımda tanış oldum onunla. O gün bu gündür artıq 16 ildir bir yerdəyik. Bəzən yorğun olanda eynəyim burnumun üstündə yatır. Belə olanda yuxular görürəm. Hərdən evdəkilərə zarafatla deyirəm ki, eynəklə yatanda yuxularımı HD keyfiyyətində görürəm. 

Eynəyimin başına bir neçə dəfə bədbəxt hadisələr gəlib. Bir dəfə uşaqlar stadionda futbol oynayırdı. Mən də onları izləyəndə içimdən dəli bir oynamaq hiss keçdi. Bir an eynəyimi unutdum, lap yadımdan çıxartdım. O an bütün keçmişim, gələcəyim, yaddaş arxivim külə döndü. Tez ayaqqabılarımı dəyişib oyuna girdim. Topun arxasınca qaçır, qol vurur, qışqırırdım. Bir yandan da eynəyim burnumun üstündə rəqs edirdi. Onda mənə elə gəlirdi ki, stadionda zəlzələ olub. Hər şey yaxşı gedirdi. Ta ki o ana qədər... Qəfil uşaqlardan biri topu sifətimə vurdu. Top yırğalana-yırğalana, sürətini azalda-azalda eynəyimə dəydi. O an eynəyim yerə düşdü. Təzədən keçmiş, gələcək, yaddaş arxivi özünə qayıtdı. Yerə əyilib ehmalca eynəyimi götürdüm. Qırılmışdı, elə bil ən əziz doğmam yaralanmışdı. Onu götürüb sığalladım, düzəltmək üçün əlləşdim, alınmadı. Uşaqların, topun, stadionun, həyatın rəngi bir-birinə qarışdı. Gözlərim yerində deyildi. Elə bil gözlərimi əlimdən almışdılar. Hər yer ala-bula, boz, qarmaqarışıq görünürdü. Sanki xarab bir televizorun tutmayan kanalını izləyirdim. Yaddaşımın gücünə yolu əlimə aldım. Optikaya üz tutdum, dərdimi danışdım, çarə üçün 1 gün gözləməli idim, amma buna səbrim çatmadı. Marketdən yapışqan aldım, eynəyimin bir qanadını yerinə bərkidə bildim. Təzədən eynəyi qulaqlarıma, oradan da burnuma keçirtdim. Həyatın axını özünə qayıtmışdı. Sükut, rəng, insanlar, göy üzü, maşınlar eynəyimin arxasından dipdiri görünürdü. Gözlərimdə qəzaya düşən rənglər, adamlar yenidən canlanmışdılar. 

Hələ məktəb vaxtı olan hadisəni heç unuda bilmirəm. Onda 11-ci sinifdə oxuyurdum. Bir gün hiss etdim ki, düz yanımdakı lövhədən yazıları oxuya bilmirəm. Gözümü qıyırdım, təzədən oxumağa çalışırdım. Xeyri olmurdu. Anamla göz həkiminə getdik. Məni uzaq məsafədə saxlayıb dedi ki, gözünün birini bağla. Hər iki gözümlə qabaqdakı divarda rus hərflərini göstərdi. Yalnız ən böyüklərini güc-bəla dedim. Sonra eynək yazdı mənə. Dedi ki, həmişəlik taxmalıdır. Onda sındı qol qanadım yanıma düşdü. Eynək kompleksim var idi. Elə bilirdim ki, eynək taxanda soyunmuşam. Hamı mənə baxır. İlk dəfə optikadan eynəyi götürüb taxanda hər şey gözümdə çox yaxın məsafəli, gözəl göründü. Məktəbdə sevdiyim bir qız var idi. İki sinif aşağıda oxuyurdu. Onu həmişə bufetə girib çıxanda görürdüm. Uzaqdan seçə bilmirdim. Bəlkə də, gözəl deyildi o qədər. Eynəksiz sevmişdim onu çünki. Uşaqlar məni lağa qoyurdu. Hər dəfə qız məktəb binasına daxil olanda tez yüyürüb qapını açırdım ona. O da laqeyd-laqeyd yanımdan keçib gedirdi. Hər dəfə səhər hamıdan tez gəlirdim məktəbə. Ən çox anam çaşırdı bu halıma. Hər gün zülmlə durğuzmağa çalışdığı oğlu özü hamıdan tez oyanır, tez-tələsik əynini geyinib məktəbə üz tuturdu. Pillələri qaça-qaça çıxırdım. Üç-üç, beş-beş. İstəyim o idi ki, qızla pilləkənin başında rastlaşım. Qızın evi bizim evin yuxarısında idi. Ancaq heç vaxt onunla pilləkəndə rastlaşa bilmirdim. Hər dəfə onu məktəbin həyətində görürdüm. O gələnə yaxın başqa şagirdlər də gəlirdi. Hər yer dolub daşırdı. Onu o qələbəliyin içində tapa bilmirdim. Bircə dəfə onu yaxından görmək şansım olmuşdu. Onda da qapını açdım. Mənə heç baxmadan çıxıb getdi. İndi eynək taxmışdım. Onu uzaqdan da görsəm yaxından görmüş sayılacaqdım. Dəqiqələri sayırdım. İndi gələcək. İndi qapıdan girəcək. Gözlədim. Gözlədim. Dərsə girmədim. Bu qız niyə gecikmişdi? Qəflətən məktəb qapısı açıldı və onunla göz-gözə gəldik. Mənə qəribə şəkildə baxdı. Elə bil tanımadı. Sonra üzündə təbəssüm yarandı. Bu təbəssüm mənə cəsarət verdi. Yaxına gəldim. O, bu dəfə iki qat əyilib gülməyə başladı. Hər dəfə eynəyimə baxıb təzədən qaqqanaq çəkdi. Əsəbləşib birbaşa evə getdim. Eynəyimi qırmaq istəyirdim. Onu pəncərədən çölə tullamaq istəyirdim. Olmurdu. Hər dəfə çıxaranda dünya boz görünürdü. Hər şeyi tor bir halqa bürüyürdü. Və mən əzab çəkirdim. O qızın üzü yadıma düşürdü. Mən sevdiyim qız belə deyildi axı. Bəlkə də, eynəksiz mən onu xəyalımdakı kimi eləmişdim. Eynək xəyalımı alt-üst etdi, məni reallıqla toqquşdurdu. Sonralar, çox sonralar o qız mənə məktub yazacaqdı, mənimlə görüşmək istəyəcəkdi. Hələ o qız məni sevəcəkdi də. Ancaq artıq iş işdən keçmişdi. Eynək sayəsində mən o qızı ürəyimdən söküb ata bilmişdim. O dəftəri bağlamışdım. 

Hə, eynək indi mənim ən yaxın dostum kimidi. Eynəyimin başına iş gələndə az qalıram intihar edəm. Onsuz bir dəqiqə keçirtmək belə amansızdır mənim üçün. Hərdən dostlarım deyir, əməliyyat ol, qurtul. Amma mən eynəyimə xəyanət edə bilmərəm. O illərdi ki, mənim gözlərim olub. Ona xəyanət etməyi ağlımın ucundan belə keçirmirəm. 

Eynəyimlə yalnız yuxuya gedəndə və duş qəbul edəndə ayrı düşürəm. Günün qalan saatlarında birlikdə oluruq. Ona qovuşmaq üçün hətta çiməndə belə tələsirəm. Yatmağa da gec gedirəm. Bəzən yatanda gözümdə qalır. Yoldaşım gəlib götürür. Eynəyimi qızım da çox sevir. Balaca vaxtı tez-tez onu öpmək üçün əyiləndə eynəyimi götürüb qaçırdı. Eynəyim qırılmasın deyə qızımın arxasınca düşürdüm. Onun da ürəyi uçunurdu. Elə sevinirdi ki... Eynəyi qızımın əlindən alanda təzədən gözlərimə keçirirdim. Və onda dünya o qədər gözəl olurdu ki. Qızım elə gözəl görünürdü ki... Mən elə bilirdim ki, yuxudayam və bu yuxudan ayılmaq istəmirdim.

Rəşad Məcid: "Media rəhbərləri qeyri-peşəkarların ümidinə qalıb" - VİDEO

Xəbər xətti

Təbrizdə Ermənistanın Baş Konsulluğu açılacaq
11:52 25.04.2024
Azərbaycan və Qırğızıstan prezidentləri Füzuli şəhərinin Baş planı ilə tanış oldular
11:35 25.04.2024
Şuşada beynəlxalq müsabiqə keçiriləcək - TARİX AÇIQLANDI
11:25 25.04.2024
Qırğızıstan Prezidenti Füzuliyə GETDİ
11:18 25.04.2024
Rusiya ABŞ-ın nəhəng bankının hesablarını ələ keçirtdi
Rusiya ABŞ-ın nəhəng bankının hesablarını ələ keçirtdi
11:15 25.04.2024
Azərbaycanda parlament seçkisi ilə bağlı daha bir ANONS
11:05 25.04.2024
Rəşad Məcid: "Media rəhbərləri qeyri-peşəkarların ümidinə qalıb" - VİDEO
11:00 25.04.2024
20 minə yaxın bakalavr magistraturaya imtahan verəcək – BU TARİXDƏ
10:55 25.04.2024
O, saxta İlon Maska aşiq oldu: 50 min dollar itirdi
O, saxta İlon Maska aşiq oldu: 50 min dollar itirdi
10:50 25.04.2024
Vətəndaşlar öz avtomobilləri ilə Laçın şəhərinə səfər edə biləcəklər
10:39 25.04.2024
ABŞ və Avropa ölkələrindən Çinə TƏSİR - ANALİTİKA
10:30 25.04.2024
İntihar edən baş pediatrın dəfn olunacağı yer açıqlandı
10:24 25.04.2024
Bakı-Ağstafa qatarına əlavə reyslər təyin EDİLDİ
10:20 25.04.2024
Ruslar üçün vizasız qalma müddətini 60 günə qədər azaldıldı
Ruslar üçün vizasız qalma müddətini 60 günə qədər azaldıldı
10:15 25.04.2024
Azərbaycanda balıq ovu qadağan edilir
10:07 25.04.2024
BMT Təhlükəsizlik Şurasında kritik anlar: Rusiya veto qoydu
10:00 25.04.2024
Azərbaycanda bu məhsul kəskin UCUZLAŞDI - VİDEO
09:55 25.04.2024
Mübariz Qurbanlının ailəsinə AĞIR İTKİ
09:48 25.04.2024
ABŞ-da Tik-Tok qadağan edilib
ABŞ-da Tik-Tok qadağan edilib
09:45 25.04.2024
Xankəndidə ötən gün xeyli sayda silah-sursat aşkarlanıb
09:40 25.04.2024
Qırğızıstan Prezidentinin Azərbaycana səfəri... - ŞƏRH
09:32 25.04.2024
Bu gün Amerika qoşunlarının Nigerdən çıxarılması müzakirə olunacaq
09:24 25.04.2024
Mikayıl Cabbarov Sahibkarlar Günü ilə bağlı paylaşım edib
09:15 25.04.2024
Rusiyada Harri Kasparovun həbsinə qərar verildi
09:09 25.04.2024
Milli Qəhrəman Albert Aqarunovun doğum günüdür
09:00 25.04.2024
Azərbaycan Naşirlərinin I Forumunun proqramı məlum oldu
07:09 25.04.2024
Krım körpüsü bağlanıb
05:12 25.04.2024
İraqın şimalında PKK-nın 6 terrorçusu zərərsizləşdirilib
03:21 25.04.2024
Dövlət müəssisə və təşkilatlarında silinən vəsaitlərin ilkin dəyəri yenidən müəyyənləşdirilib
02:00 25.04.2024
İraq Prezidenti COP29-a dəvət olunub
01:00 25.04.2024
Bakıda çoxmərtəbəli yaşayış binasında yanğın olub
00:15 25.04.2024
Aqrar Universitetin nəzdində Dövlət Aqrar Kolleci publik hüquqi şəxs yaradılıb
23:32 24.04.2024
Lənkəranda günəş enerjisindən isti su alındı
23:00 24.04.2024
Fransa aviaşirkətinə məxsus təyyarə Bakıya qəza enişi edib
22:40 24.04.2024
Bayden Ukrayna, İsrail və Tayvana hərbi yardım haqqında qanunu imzalayıb
22:22 24.04.2024
Masallıda əmək yarmarkası keçiriləcək
22:00 24.04.2024
Güləş üzrə U-17 Azərbaycan çempionatında növbəti mükafatçılar müəyyənləşib
21:39 24.04.2024
Azərbaycan və Qırğızıstan arasında dini sahədə əməkdaşlıq haqqında Memorandum imzalanıb
21:23 24.04.2024
Futbol üzrə Azərbaycan Kubokunda ilk finalçı müəyyənləşib
21:00 24.04.2024
BCG: Azərbaycanda su qıtlığı probleminin həlli gündəlikdəki prioritet məsələdir
20:44 24.04.2024
Hamısı