Rusiya qoşunları əsas səyləri Kiyevin mühasirəyə alınmasına və blokadaya alınmış yaşayış məntəqələrində müqavimətin zəifləməsinə yönəldiblər. Bu tapşırığın icrası zamanı Rusiya Silahlı Qüvvələri əməliyyat ehtiyatlarının böyük hissəsini tükədiblər.
Ednews xəbər verir ki, bu barədə Ukrayna Müdafiə Nazirliyinin “Facebook” hesabında məlumat verilib.
Bildirilib ki,Zaporojya AES-in təlim binasında baş verən yanğın söndürülüb, ölən və xəsarət alan yoxdur.
“Onlar Cənub və Şərq hərbi dairələrindən əlavə qüvvə və vasitələrin köçürülməsi üçün hazırlıqlara başlayıblar.
Volın istiqamətində qarşı tərəf 2 tabor taktiki qrupunun köməyi ilə Poliske və Kuxari ərazilərində müdafiə əməliyyatlarına keçib. Rusiya tərəfi Belarus Silahlı Qüvvələrini Ukraynaya qarşı müharibəyə cəlb etmək üçün sərhəddə silahlı təxribatlar törədə bilər” – deyə məlumatda qeyd edilib.
Həmçinin Rusiya hərbi dəniz qrupunun dəniz bazalarından çıxarıldığı və rusiyalıların bütün istiqamətlərdə itki verdiyi vurğulanıb.
