"Filip 3 gün ərzində İrəvanda Putinlə görüşdə olan Paşinyanın gəlişini gözləyirdi. Hazırda o, Tiflisdədir, daha sonra o, Bakıya səfər edəcək".
Bu fikirləri politoloq və jurnalist Maksim Şevçenko özəl olaraq, ABŞ dövlət katibinin Qafqaz üzrə xüsusi nümayəndəsi Filip Rikerin İrəvana səfəri ilə bağlı danışarkən, Ednews-a bildirib. O, həmçinin qeyd edib ki, 2020-ci ildə Rusiya-Azərbaycan-Türkiyə alyansın yaradılması bir çox qüvvələri narahat edib.
"Bilirsiniz ki, hazırda Türkiyə həm Suriya, həm də İraq cəbhəsində döyüşür. Həmçinin, Yunanıstanla da əlaqələrində gərginləşmə var. Qarabağda cərəyan edən eskalasiya isə Türkiyə üçün böyük problem yaradıb. İkinci tərəfi, bu təxribatlar Azərbaycana qarşı ciddi təzyiq və təhdid sayılır. Sonuncu isə məlum hadisələrə bağlı olan Moskvaya qarşı olan təzyiqdir. Bütün bu hadisələr ya Paşinyan tərəfindən təhdid edilir, ya da bu vasitə ilə ona qarşı revanşist qüvvələr tərəfindən təzyiq göstərilir. Hazırda Ermənistanın daxilində hökümətlə xalq arasında cərəyan edən münaqişələr mövcuddur. Lakin mənim fikrimcə, əsl erməni xalqı, siyasi fiqurlardan fərqli olaraq, Azərbaycan və Türkiyə ilə sülh və mehriban qonşuluqda yaşamaq marağındadır. Xalqın marağı nə Vardanyan, nə də bəzi amerikalı, fransız və ya erməni milyarderlərinin uğrunda ölmək deyil. Onların əksəriyyəti Azərbaycan və Türkiyə ilə sülhün olmasını və təbii ki, ölkənin inkişafını istəyirlər”.
Şevçenko erməni iş adamı Ruben Vardanyanın Qarabağla bağlı çıxışı haqda danışarkən, bildirib ki, o, birbaşa ABŞ və Fransaya müraciət edərək, onları qondarma rejimin müdafiəsini müdaxilə etməyə çağırıb.
Söhbət əsnasında siyasi analitik Qərb maraqları ilə çıxış edən erməni diasporaları haqda da danışıb. O, qeyd edib ki, diaspora hər vəchlə regionda sülhü pozmağa çalışır, çünki onlara sabitlik lazım deyil.
"Onlara lazım olan ölkədə yaşayan ermənilərin daim problemlərin, müharibənin astanasında olmasıdır. Daha sonra isə onlar bu problemlərlə Vaşinqton və Parisdə alver edirlər. Hesab edirəm ki, bu, birbaşa ABŞ və Fransanın Türkiyə, Rusiya və Azərbaycana, Ermənistan xalqına qarşı törətdiyi birgə intriqalarıdır. Erməni xalqı erməni diasporunun çirkin oyunlarının girovudur. Yoxsa hakimiyyətin müharibəyə marağı olmasaydı, əks halda Paşinyan baş nazir seçilməzdi”.
Rəna Mürşüd
