“Kimliyindən asılı olmayaraq xüsusi təyinatlılar onları öldürəcək!” - Ukraynalı ekspertdən İLGİNC AÇIQLAMA - ednews.net

2 Fevral, Cümə axşamı

(+994 50) 229-39-11

“Kimliyindən asılı olmayaraq xüsusi təyinatlılar onları öldürəcək!” - Ukraynalı ekspertdən İLGİNC AÇIQLAMA

Münaqişələr A- A A+

Krımda döyüşlər xeyli şiddətlənib. Bu barədə Ukraynanın Milli Müdafiə və Təhlükəsizlik Şurasının katibi Oleksiy Danilov açıqlama verib. Rəsmi məlumatda həmçinin İranın Şahid 136 kamikadze dronları üzrə təlimçilərinin Krımda hərbi təlimlərə qatıldığı və bu əsnada sayları 10-dan çox olan təlimçinin öldürüldüyü bildirilir.  

Məsələ ilə bağlı Ednews-a danışan ukraynalı hərbi və siyasi ekspert Vadim Tryuxan bildirib ki, Ukraynaya qarşı vuruşan insanların hansı ölkə vətəndaşı olması Ukrayna üçün heç bir məna daşımır. 

“Bu İran, Tunis və ya digər ölkələr olsun, fərq etməz. Onlar artıq bizim düşmənimizdir. Bununla bağlı artıq son qərar verilib. Ukraynanın hərbi qüvvələri və xüsusi təyinatlı dəstələrimiz millətindən asılı olmayaraq, Rusiya cəbhəsində döyüşən və təlimlər keçən bütün hərbi şəxsləri məhv edəcək”.  

Ekspert İranın Rusiyaya bilavasitə dəstəyinə gəlincə, bu barədə Baş Qərargahın son sözü deyəcəyini bildirib. O, bu barədə artıq diplomatik səviyyədə müzakirələrin aparıldığını əlavə edib.  

“İran təlimçiləri barədə qərara gəlincə, ilk növbədə bununla bağlı Müdafiə Nazirliyi yox, Baş Qərargah hər hansı bir şərh etməlidir. Çünki bunlar çox həssas mövzular hesab edilir və bununla bağlı hər hansı təfərrüatları danışmaq hələ ki, tezdir. 

O  ki qaldı, Ukraynanın İran dövləti ilə bağlı iddialarına, artıq iki ölkə arasında "PUA” və sair kamikadze dronların Ukraynaya qarşı istifadəsi üçün Rusiyaya çatdırılmasının yolverilməzliyi" ilə bağlı siyasi danışıqlar aparılıb. Düşünürəm ki, gələcəkdə keçiriləcək bütün görüşlərdə bu məsələ bir daha qaldırılacaq”.

Elnur Ənvəroğlu



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...