Brüseldə gündəmə gətirilsədə hələ də erməni tərəfi yolunu azaraq Ermənistan ərazilərinə keçən Azərbaycan Ordusunun iki əsgərini qaytarmağa boyun qaçırır.
Baxmayarq ki, rəsmi Bakı dəfələrlə açıqlamasında bildirib ki,hazırda Azərbaycanda erməni hərbi əsrləri yoxdur.
Ermənilər həm də itkin düşmüş hərbçilər üçün Azərbaycanı bir növ şantaj edərək 2020-ci il noyabrında Vətən müharibəsi bitdikdən sonra Hadrutda saxlanılan erməni separatçılarına dəyişmək istəyirlər.
Əgər iki ölkə arasında razılığa gəlinməsə Azərbaycan bunun üçün hansı beynəlxalq qurumlara müraciət edəcək? Ümumiyyətlə bununla bağlı hansı beynəlxalq proseduralar həyata keçirilməlidir?
Məsələni Ednews-a müsahibəsində azərbaycanlı beynəlxalq hüquqşünas Emil Həsənov bildirib ki, Ermənistan tərəfi şantaj və cinayətlə məşğuldur ki, bu da təşkilatların sülh konvensiyalarına ziddir.
“Erməni tərəfi şantajla məşğuldur. Bu, Cenevrə Konvensiyasını pozur. Əsirlərimizə işgəncə verilir. Bunlar hərbi cinayətlərdir. Həmçinin Hadrutda saxlanılanlar erməni terrorçularıdır. Uyğun hazırlıq, silah, yaş qruplarına görə terrorçulara aiddir. Onlar muzdlu əsgərlər deyillər. Təbii ki, ermənilər də onlara qarşı cinayət işi açıblar”.
İki hərbi əsirimizin qaytarılması üçün Azərbaycanın hansı beynəlxalq qurumlara müraciət edəcəyi barədə danışan H.Emil bir neçə təşkilatın adını da çəkib.
“Beynəlxalq Qırmızı Xaç Komitəsi var, onun mandatı var. O, Cenevrə Konvensiyasına uyğun olaraq monitorinq aparır. Beynəlxalq Avropa Məhkəməsi də var. Orada iki nəfərin hüquqlarının pozulması ilə bağlı müraciət edə bilər. Azərbaycan BMT səviyyəsində bu insan haqları məsələsini Cenevrədə də qaldıra bilər. Bu mexanizmlər mövcuddur və tətbiq oluna bilər”.
Nurlana Hacıyeva
