Ermənistan 30 ilə yaxın bir dövr ərzində Azərbaycanın Qarabağ və Şərqi Zəngəzur bölgəsindəki şəhər və rayonları yalnız işğal altında saxlamaqla kifayətlənməyib, işğalçılar insanlarımızın həyat və sağlamlığına zərər vermək məqsədilə həmin əraziləri kütləvi şəkildə minalayıblar. 2020-ci il 10 noyabr tarixində imzalanan üçtərəfli Bəyanatdan sonrakı dövrdə işğaldan azad edilən ərazilərdə baş verən çoxsaylı mina partlayışları nəticəsində hərbi qulluqçularla yanaşı, mülki şəxslərin də mina terrorunun qurbanı olub. Ermənistan tərəfi isə nəinki ötən dövr ərzində ərazilərimizdə basdırdığı minaların dəqiq xəritələri haqqında ölkəmizə məlumat verməkdən yayınır, təxribat-diversiya qrupları vasitəsilə işğaldan azad olunan ərazilərimizi yenidən minalarla çirkləndirməkdə davam edir.
Son sutka ərzindən Xocavənddə yük avtomobili minaya düşüb və 2 nəfər həlak olub. Xocavənddə ikinci mina partlayışı zamanı isə DİN-in 4 əməkdaşı vəfat ediblər.
2020-ci ildə 44 günlük Vətən müharibəsindən indiyə qədər ümumilikdə mina qurbanlarının sayı 314 nəfərə çatıb, onlardan 61 nəfər həlak olub.
Məsələ ilə bağlı Ednews-a danışan Beynəlxalq Avrasiya Mətbuat Fondun prezidenti, ANAMA yanında İctimai Şuranın sədri Umud Mirzəyev qeyd edib ki, erməni separatçıları Qarabağdan tam çıxarılmayınca məsələ həllini tapmayacaq:
“Hadisənin fotolarını gördüm, adamın ürəyi param-parça olur. Görünən odur ki, ermənilər gecə-gündüz diversiya ilə məşğuldurlar. Özlərinin məskunlaşdığı yerlərdən kənar, Azərbaycanın abadlıq apardığı, yollar çəkdiyi, bərpa etdiyi yaşayış məntəqələrini gecə-gündüz minalamaqla məşğuldurlar. Artıq bundan o tərəfə sorğu-sual yeri yoxdur. Qərar qəbul edilməli və onlar yuvasındaca məhv edilməlidirlər. Erməni separatçılar bütün konvensiyaları, beynəlxalq qanunları ayaq altına alırlar. Ermənistanın güclü təbliğat kampaniyaları da var. Amma bunlar bizi öz yolumuzdan çəkindirməməlidir. Azərbaycanın yolu haqq yoludur. Azərbaycan insanı 30 ildi təcavüzə məruz qalır. Azərbaycan insanı olmazın zülmləri çəkir. Hələ də yurdumuza-yuvamıza qayıtmaq imkanından tam şəkildə məhrumuq. Çünki işğaldan azad edilən torpaqlar belə qarış-qarış minalandı. Ötən gün baş verən hadisələr də bunun bariz nümunəsidir”.
Minalar Əleyhinə Azərbaycan Kampaniyası İctimai Birliyinin sədri Hafiz Səfixanov da hadisələrlə bağlı fikirlərini bildirib. O, qeyd edib ki, həqiətən də baş vermiş mina hadisələri çox üzücü xəbərlərdir:
“İnfrastruktur layihəsinin Əhmədbəyli-Füzuli-Şuşa avtmobil yolunun inşasına cəlb olnmuş 2 mülki şəxsimiz mina qurbanı olublar. Allah rəhmət eləsin. Həmin hadisə yerinə gedən polis işçiləri də mina partlayışı nəticəsində dünyalarını dəyişdilər. Bir neçəsi də yaralı vəziyyətdədir. Bu bir daha onu göstərir ki, Ermənistanın mina terroru davam edir, dayanmır. Onlar bir gündə olsa niyyətlərindən əl çəkmirlər. Dövlət Təhlükəsizlik Xidmətinin yaydığı rəsmi məlumatda da bildirilirdi ki, Ermənistan silahlı qüvvələrinin Azərbaycanın Rusiya sülhmərmalı qüvvələrinin müvvəqəti nəzarətində olan ərazisində yerləşmiş tör-töküntüləri, silahlı birləşmələri həmin yolun tikintisi aparılan əraziyə keçərək minaları yerləşdiriblər. Nəticədə bu hadisələr baş verib. Biz təşkilat olaraq baş vermiş təxribatları qətiyyətlə pisləyirik. Əlaqədə olduğumuz bütün beynəlxalq təşkilatlara, digər ölkələrdə mina problemi ilə məşğul olan təşkilatlara bu məlumat göndəriləcək. Hazırda bunun üzərində iş aparılır. Göründüyü kimi, Ermənistan təxribatçı, diversiya qüvvələri dayanmırlar. Məkrli niyyətlərini həyata keçirməkdə davam edirlər. Bir neçə gün əvvəl də Ermənistan silahlı qüvvələrinin diversiya qrupları Ağdam rayonu ərazisində Azərbaycan Silahlı Qüvvələrinin təminat yoluna sızaraq orada piyada əleyhinə mina quraşdırmışdılar. Nəticədə Azərbaycan əsgərinin bir ordusu mina partlaşıyışı nəticəsində yaralanmışdı. Bu faktlar bir daha onu göstərir ki, daha diqqətli olmalıyıq. Əhalimiz maarifləndirmə tədbirlərində verilən təlimatlara ciddi əməl etməlidirlər. Onu da qeyd edim ki, bizim təşkilat artıq 3 aydır ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə işğaldan azad edilmiş ərazilərdə minalar və partlamamış hərbi surstalar preoblimin miqyasının müəyyən olunması və müvafiq hesabatın hazırlanarq beynəlxalq ictimaiyyətə çatıdırlaması adlı bir layihə həyata keçirir. Bu layihə çərçivəsində biz işğaldan azad edilən bütün ərazilərdə olmuşuq. Orada minaların təmizlənməsinə cəlb olunmuş təşkilatlarla, infrastruktur layihəsinin həyata keçirilməsində cəlb olunan təşkilatın nümayəndələri ilə rəhbər şəxslərlə görüşlər keçirmişik. Gəldiyimiz qənaət ondan ibarətədir ki, Ermənistan silahlı qüvvələri ağıla gələn və gəlməyən yerlərdə minalar basıdırlbalr. Çoxlu sayda mina tələlərinə rast gəlinir. Ona görə də Azərbaycan insanı mina məsələsində ciddi olmalı, maarfiləndirici təlimlərdə öyrəndiklərinə əməl etməlidirlər”.
Qazi, jurnalsit Rey Kərimoğlu Azərbaycan vətəndaşlarının yenə erməni terrorçular, quldur dəstələri tərəfindən basdırılan minalar ucbatından həlak olduqları üçün çox təəssüfləndiyini vurğulayıb:
“Ağır yaralananlarımız da var. Minalardan Zərərçəkənlər Assosiasiyası adından Ermənistanın Azərbaycana qarşı mina terroruna son qoymağa çağırırıq. Dünya ictimaiyyətinə müraciət edirik ki, Ermənistanı dayandırsınlar. Azərbaycana qarşı ikili yanaşmanı kənara qoysunlar. Azərbaycan insanının həyatı təhlükədədir. Mina vasitəsi ilə ermənilər Azərbaycan insanının canını alır. Mina terroru davam edir. Dünya ictimaiyyətinin diqqətini bu məsələyə yönəltmək istəyirik. Erməni icması, dövləti, diasporası neçə vaxtdı Azərbaycan əleyhinə kampaniya aparır. Olmayan məsələləri, şər-böhtanları üstümüzə atır. Bu da onun bağlıdır ki, özlərinin elədiyi cinayətləri ört-basdır edirlər. Dünya ictimaiyyətini çaşdırırlar. Dünya ermənilərin yalanlarına uymasın. Ermənistan regionda böyük bir bəlaya çevrilib. Qafqazda sülhün tam təhlükə altında qalmasının ən böyük günahkarları Ermənistan və havadarlarıdır. O cümlədən Rusiya, Fransa, İrandır”.
Minadan zərər çəkən Beynəlxalq Avrasiya Mətbuat Fondunun əməkdaşı Xəzər Babaşov da baş vermiş mina hadisələri ilə bağlı hisslərini bölüşüb:
“Minaya düşməyin nə dərəcədə böyük bir fəlakət olduğunu çox yaxşı bilirəm. Bu ilin 26 aprel ayında minaya düşdüm. Sağ ayağım topuqdan amputasiya olundu. Uzun müddətdi mina təhlükəsizliklə bağlı mübarizə porqarımda çalışıram. BAMF-da, ANAMA-da əmək fəaliyyətim olub. Minadan həlak olanlara Allah rəhmət eləsin, zərərçəkənlərə isə şəfalar diləyirəm”.
Oğuz
