“Hazırda yaralıların sayı 2200-dür, 700 qurbanımız var, 250 yaralının vəziyyəti isə son dərəcə ağırdır”. 

Ednews xəbər verir ki, bunu israilli politoloq Menni Korsunski deyib.

O qeyd edib ki, söhbətimizdən bir neçə dəqiqə əvvəl onların şəhəri Petaç Tikva raketlərlə hücuma məruz qalıb.

“Bizi bombalayırlar, müharibə davam edir. İsrail ordusu hələ də İsrail ərazisi üzərində tam nəzarəti bərqərar edə bilməyib, hazırda İsrail ərazisində HƏMAS terrorçularını məhv etmək üçün xüsusi bölmələr işləyir. İsrailin cənubunda Qəzza zolağı yaxınlığında hərbi toqquşmalar hələ də davam edir”, – Korsunski bildirib.

O qeyd edib ki, əsir düşən İsrail əsgərləri və mülki şəxslərlə bağlı dəqiq məlumat yoxdur, bu istiqamətdə işlər davam edir, lakin HƏMAS döyüşçülərinin təkcə qadınları və qocaları deyil, uşaqları da əsir götürdüyünə dair məlumatlar var.

Xatırladaq ki, oktyabrın 8-i axşam saatlarında Fələstinin HƏMAS qruplaşması İsrailə hücum edib, nəticədə hərbi birləşmənin döyüşçüləri ölkə ərazisinə nüfuz edə bilib. Toqquşmalar nəticəsində xüsusilə dinc sakinlər arasında itkilər çoxdur.

Oğuz