Sabah Bakıda və Abşeron yarımadasında havanın əsasən yağmursuz keçəcəyi, lakin gündüz bəzi yerlərdə qısamüddətli yağış yağacağı gözlənilir.
EDnews xəbər verir ki, bu barədə Milli Hidrometeorologiya Xidməti məlumat yayıb.
Məlumata görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək.
Lakin gündüz saatlarında havanın arabir tutulacağı, yarımadanın bəzi yerlərində qısamüddətli yağış yağacağı proqnozlaşdırılır.
Ayrı-ayrı yerlərdə yağışın intensivləşəcəyi, şimşək çaxacağı ehtimalı var.
Şimal-qərb küləyi gündüz cənub-şərq küləyi ilə əvəz olunacaq.
Bakıda və Abşeron yarımadasında havanın temperaturu gecə 17-19, gündüz 24-29 dərəcə isti olacaq.
Atmosfer təzyiqi 763 millimetr civə sütunu təşkil edəcək. Nisbi rütubət gecə 65-75 faiz, gündüz isə 55-60 faiz olacaq.
Azərbaycanın rayonlarında isə bəzi yerlərdə arabir yağıntılı hava şəraiti gözlənilir.
Ayrı-ayrı ərazilərdə yağıntının qısa müddətə intensivləşəcəyi, şimşək çaxacağı və dolu düşəcəyi ehtimal edilir.
Gecə və səhər saatlarında bəzi yerlərdə duman olacaq, şərq küləyi əsəcək.
Rayonlarda havanın temperaturu gecə 16-19, gündüz 26-31 dərəcə isti, dağlarda gecə 7-12, gündüz 14-19, bəzi yerlərdə isə 21-26 dərəcə isti olacaq.
