Rusiyada işsizliyin artması və iqtisadi gərginliyin hər bir sahəyə mənfi təsiri əhalinin ölkəni tərk etməsinə gətirib çıxarıb. Nəzərə alınsa ki, Rusiya vətəndaşları Qərb tərəfindən təcrid olunmaqdadır, belə olan hallarda onların region dövlətlərə üz tutması artıq son bir çıxış yolu kimi görünməyə başlayıb.
Ednews-a açıqlama verən iqtisadçı ekspert Eldəniz Əmirovun fikrincə Rusiya sadəcə müharibəni davam etdirməklə daxili auditoruyanı bir qədər sakitləşdirməyə çalışır. Onun sözlərinə görə ölkəyə tətbiq olunan sanksiyalar artıq öz effektini göstərir.
“Təbii ki, Rusiyada getdikcə vəziyyət gərginləşir. Ölkə üzərində tətbiq oluna yüzərlə sanksiya demək olar müharibənin ən sərt formasıdır. Yəni silah öldürücü, dağıdıcı təsirə malik olduğu halda, sanksiyalar həm iqtisadi, həm siyasi, həm psixoloji həm mənəvi, demək olar bütün sahələrdə dağıdıcı gücə malikdir. Rusiya bu gün öz işğalçı siyasətinin nəticəsi ilə üz-üzə qalıb. Bu da şübhəsiz ki, ölkə əhalisini getdikcə daha çox qayğılandıracaq. Hal-hazırda rusiyanın iqtisadiyyatında müşahidə edilən vəziyyət gerçəklikdən 10 dəfə yaxşıdır. Məhz bu səbəbdən böyük bir qitəni zəbt edən ölkənin vətəndaşları öz vətənini tərk etmək məcburiyyətində qalıb.
Burada bir məqam da var: söhbət Rusiya vətəndaşlarının ölkədən çıxması olmasa belə, Rusiyada vəziyyət pisləşdiyi zaman kənar vətəndaşların ölkəyə axınının azalmasıdır. Qeyd edim ki, Rusiya və Almaniya hazırda demoqrafik cəhətdən ən böhranlı vəziyyətdə olan ölkələr sırasında yer alıb. Belə bir vəziyyətdə bu kimi ölkələrdə artım Mərkəzi Asiya və digər region dövlətlərdən gələnlərin hesabına təmin olunur. Demək Rusiyanı tərk edən əhali bir bəladırsa, digər tərəfdən həmin gəlmələrin sayı azaldıqca ölkədə iqtisadi sosial problemlər gərginlik yaradacaq”.
İqtisadçı həmçinin ölkədə investorların azaldığını da böyük problem kimi səciyyələndirib. O, gələcəkdə Azərbaycan və digər qonşu dövlətlərə böyük axınların olacağını deyib. Eksper həmçinin bu axının mənfi və müsbət tərəfini dəyərləndirib.
“Bilirsiniz, qeyd etdiyim kimi, rusiyaya tətbiq edilən sanksiyalar böyük fəsadlar yaradacaq və bunlardan biri də investisiya mühitinə cidd təsir göstərməkdədir. Çünki xarici investorlar ölkəni tərk edir və yeniləri bunu əvəz etmir. Lakin bunun Azərbaycan və Ermənitana xeyiri ola bilər. Çünki ətrafdan ümidi kəsilən rusiyalı investorların belə bir vəziyyətdə Azərbaycan və Ermənistan, habelə digər etibarlı saydığı qonşu dövlətlərə üz tutmağa məcbur olacaq”.
Eldəniz Əmirov bundan əlavə, Rusiyanın müharibəni durduracağı halda onu hansı aqibətin gözlədiyi barədə fikir bildirib. O, Rusiyanın müharibəni davam etdirdiyi halda hansı maddi resurslara arxayın olduğu sualını belə cavablandırıb: “Rusiyanın heç bir alternativ gəlir qaynağı yoxdur. Əksinə o, bütün gücündən mksimum istifadə etməklə daxili auditoriyanı motivasiya etməyə çalışır. Rusiya yalnız əlində olanların hesabına bu gün müharibədə davam gətirə bilir. O ki qaldı Rusiyanın müharibəni durdurmasına, fikrimcə Qərb artıq düşünülmüş olaraq Rusiyanı bir küncə sıxışdırıb artıq. Hətta Rusiya silahı yerə qoyub ağ bayraq qaldırsa belə bu onu batmış bir vəziyyətə salacaq. Lakin davam etməsi isə ona daha baha başa gələ bilər.
