Maliyyə Nazirliyi bu ilin iyun ayında "Standard and Poor’s" ("S&P") beynəlxalq kredit reytinq agentliyinin təsdiq etdiyi reytinq üzrə proqnoz göstəricisi ilə müqayisədə “Fitch Ratings" beynəlxalq reytinq agentliyinin ötən gün dərc etdiyi hesabatda ölkənin uzunmüddətli yerli və xarici valyutada reytinqinin “BB+” səviyyəsində, reytinq üzrə proqnozun isə “pozitiv” təsdiq etməsini müsbət hal kimi qiymətləndirir. Baxmayaraq ki, Nazirlik daha əvvəl bəyan etdiyi kimi, hər iki agentliyin ölkəmizin kredit reytinqi məsələsinə xəsislik nümayiş etdirdiyi fikrində qalır.

Nazirlik “Fitch Ratings” – in proqnozlarının qeyri-dəqiq, mübahisəli rəqəmlərlə verildiyini vurğulayıb.

Bəs bu göstərilən proqnozlar nə qədər doğrudur?

Məsələ ilə bağlı Ednews – a danışan iqtisadçı ekspert Eldəniz Əmirov bu proqnozların obyektiv olmadığını vurğulayıb:

“Son 2 ildən artıq bir müddətdir ki, bununla bağlı müxtəlif platformalarda səsləndirmişəm ki, beynəlxalq reytinq agentliklərinin verdiyi proqnozlar obyektivlikdən daha çox subyektiv faktorlardan qaynaqlanan proqnozlar olur. Biz bunu son dönəmlərdə əsasən nümayiş etməkdəyik. Hətta beynəlxalq təşkilatların özlərinin verdiyi xüsusi proqnozlar belə bir mənalı şəkildə qarşılana bilməyəcək şəkildə verilir”.

Ekspert həmçinin bu reytinqlərin Azərbaycan-Ermənistan münaqişəsi fonunda, tamamən Qərb maraqlarına xidmət etdiyini vurğulayıb:

“İstəyirəm bir çox beynəlxalq reytinq agentliklərinin verdiyi proqnozlarla bağlı bir isbatını qeyd edim. Məsələn, ABŞ – da kredit reytinqinin yüksək qiymətləndirdiyi banklar bir neçə ay sonra müflis olublar. Bu bir isbatdır. Hazırda Azərbaycan və Ermənistan münaqişəsi məsələsində bir çox Qərb ölkələrinin Azərbaycana təzyiq etməsi, hesab edirəm ki, beynəlxalq reytinq agentliklərinin verdiyi açıqlamalara belə siraət edib. Təbii ki, verilən bəzi proqnozlarda və çatışmazlıqlarla razıyam, lakin qeyd olunan bütün neqativ halları isə bu səbəbdən dolayı olaraq obyektiv hesab etmirəm”.

Əkbər Novruz