Misir mediası üzümüzə gələn həftə Misir və Türkiyə arasında yerli valyuta ilə ticarət mübadiləsi mexanizmini müzakirə etməyə başlayacağını bildirib.

“Yerli valyutalarla ticarət mübadiləsi Misir və Türkiyə iqtisadiyyatlarını inkişaf etdirəcək”.
Bu sözləri məsələ ilə bağlı Edenews-a danışan  Misirin “Əl-Şuruk” qəzetinin iqtisadi redaktoru Həyat Hüseyn deyib. O, bildirib ki, yerli valyutalarla ticarət mübadiləsinə ehtiyac, dünya da ciddi iqtisadi böhranlara səbəb olan Covid-19 pandemiyası və Rusiya-Ukrayna müharibəsindən sonra yaranıb.
“Ölkədə yaranan valyuta çatışmazlığı türk iş adamlarının Misirdəki fəaliyyətində çətinliklər yaradıb və onlara 2,5 milyard dollar dəyərində ziyan dəyib. Nəticədə  iş adamları Türkiyə hökumətindən iki ölkə arasında ticarət mübadiləsinin yerli valyuta ilə aparılmasını istəyib. Bu addım qarşılıqlı investisiyalar problemini həll edəcək, həmçinin hər iki ölkədə yaranan işsizlik böhranını aradan qaldıracaq”. 
Ekspert qeyd edib ki, Misir hər zaman türk investorları üçün cəlbedici bir yer olub.  Çünki Türkiyə üçün bura Avropadan daha yaxındır və istehsal xərcləri daha aşağıdır. Bu da daha çox qazanc əldə etmək deməkdir.

 “Bu addım qarşılıqlı turizmə müsbət təsir edəcək. Çünki valyuta qıtlığı səyahətlərə mənfi təsir edir, lakin yerli valyuta ilə mübadilə bu məsələni asanlaşdıracaq. Misirdəki Türkiyə səfiri Salih Mutlu Şen verdiyi açıqlamalarda bildirib ki, gələn 5 il ərzində Türkiyəni ziyarət edəcək misirli turistlərin sayı 200 mindən bir milyona çatacaq. 

Dünya Turizm Təşkilatının iqtisadi müşaviri və Avropa Səyahət Komissiyasının İdarə Heyətinin üzvü Dr. Səid Əl-Batouti bildirib ki, bu il Misirə türk turistlərin sayı 250 min təşkil edəcəyini bildirib.
Düşünürəm ki,  Misir marketinqə diqqət yetirsə və uçuş sayını artırsa bu rəqəmi 1 milyona qədər artıra bilər”.

Loğman Yunis