ABŞ Milli Allergiya və Yoluxucu Xəstəliklər İnstitutunun alimləri koronavirusun yeni mutasiyanın hava vasitəsilə daha sürətli yayılmasına imkan verdiyini aşkar ediblər.

EDNews.net xəbər verir ki, “The New York Times” qəzetinin yazdığına görə, mütəxəssislər koronavirus "Alfa" (İngiltərə ştammı) və "Delta" (Hindistan ştammı) variantlarını əvvəlki mutasiyalarla müqayisə ediblər. Nəticədə onların hansının daha çox inkişaf etdiyi və hava damcıları ilə daha sürətli yayıldığı aşkar edilib.

SARS-CoV-2 əsasən hava-damcı yolu ilə ötürülür. Xəstənin tənəffüs yolundan çıxan damcılar sağlam insanın tənəffüs yollarına girəndə şəxsi yoluxdurur. Məsələn, öskürərkən, asqırarkən və ya ünsiyyət qurarkən hava damcıları virusu ötürür.

Ümumdünya Səhiyyə Təşkilatı (ÜST) qeyd edir ki, yoluxmuş bir səthə düşən virus sonra gözlərə, ağıza və ya buruna toxunanda da yoluxa bilərsiniz.

Elm adamları kiçik “Alfa” ştammının hava- damcı yolu ilə yeni infeksiyalara səbəb olma ehtimalının daha yüksək olduğu qənaətinə gəliblər.

ABŞ-ın Merilend Universitetinin mütəxəssisləri tərəfindən aparılan başqa bir araşdırmada koronavirusun “Alfa” variantında havadakı viral RNT miqdarının əvvəlki ştammlarla müqayisədə daha artıq olduğu üzə çıxıb.

“Alfa” ştammı ilə yoluxanlar havaya təxminən 100 qat daha çox viral hissəciklər ötürürlər.

Mütəxəssislərin əvvəllər qeyd etdikləri kimi, “Delta” koronavirusun orijinal versiyasından daha çox yoluxucu olur. Onların fikrincə, gələcəkdə yeni mutasiyalar virusu insandan insana ötürülməsi üçün daha da uyğunlaşdıracaq. Bununla birlikdə, artıq tətbiq olunan tədbirlər, sosial məsafə və maska taxmaq yayılmanın qarşısını ala bilər.