Hələlik karantin rejiminin daha da sərtləşdirilməsinə əsas yoxdur - Səhiyyə naziri - ednews.net

27 May, Cümə

(+994 50) 229-39-11

Hələlik karantin rejiminin daha da sərtləşdirilməsinə əsas yoxdur - Səhiyyə naziri

Səhiyyə A- A A+

"Omicron"a yoluxma ilə bağlı rəqəmlər artmaqdadır. Digər ştammlardan fərqli olaraq yoluxuculuğu daha üstündür, yayılması daha tez baş verir. 

Bunu ötən gün təyin olunmuş səhiyyə naziri Teymur Musayev 20 Yanvar faciəsinin 32-ci ildönümü münasibətilə Şəhidlər Xiyabanını ziyarətindən sonra jurnalistlərə açıqlamasında deyib.

"Dünyanın digər ölkələrində də "Omicron" ştammı yayılmaqdadır. Digər ştammlardan fərqli olaraq yoluxuculuğu daha üstündür, yayılması daha tez baş verir. "Omicron"a yoluxma ilə bağlı rəqəmlər artmaqdadır. Ona görə hər birinizi mövcud vəziyyətdə həmişə dediyim kimi, qarşınızda durduğum kimi maska rejiminə, sosial məsafəyə riayət etməyə, fərqli gigiyenik qaydalara əməl etməyə çağırıram".

T. Musayev qeyd edib ki, hələlik karantin rejiminin daha da sərtləşdirilməsinə əsas yoxdur, vəziyyət nəzarət altındadır: "Mövcud olan çarpayı fondu, reanimasiya çarpayı fondu və tələb olunan lazımi tibbi avadanlıq və dərman təchizatı ən yüksək səviyyədədir. Təbii, yoluxmaların gedişatı növbəti addımların atılmasını gostərəcək. Bilirsiniz ki, ilkin mərhələdə "Omicron" ştammı12 yoluxma aşkarlanıb. Hazırda da yoxlamalar gedir. Təxmini digər ölkələrin təcrübəsini desək, dörd həftə ərzində ümumi yoluxanların təxminən 40 faizi "Omicron" ştammına yoluxmuş ola bilir".

Türkiyə istehsalı olan "Turkovac" vaksini ilə bağlı nazir bildirdi ki, bu vaksin 3-cü sınaq mərhələsindədir: "Türkiyə ilə artıq saziş imzalanıb. Azərbaycana yaxın zamanda göndərilməsi nəzərdə tutulub".

Onun sözlərinə görə, Azərbaycanda son illərdə yerli dərman istehsalına təkan verilib: "Yəqin ki, yaxın vaxtda geniş mətbuat konfransı keçiriləcək və təkcə dərman istehsalı deyil, digər düşünülən strateji addımlar barədə məlumat veriləcək".

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...