Qışda gözəl qalmaq çox çətindir. Buna baxmayaraq, əgər siz qulluq vasitələrindən düzgün istifadə etsəz, şaxtalı günlərdə də öz təravətinizi qoruyub saxlamaqda heç bir çətinlik çəkməzsiz.
Ednews qışda gözəlliyi qorumaq üçün 5 əsas məsləhəti nəzərə çatdırır:
Üz dərimiz...
Belə bir stereotip var ki, guya qışda nəmləndiricidən istifadə etmək olmaz. Amma bu tamamilə yanlış fikirdir. Sadəcə düzgün istifadəni bilmək mütləqdir. Əslində dəri, xüsusilə soyuq havalarda nəmləndirilməyə ehtiyac duyur. Bunun üçün nəmləndirici kremdən çölə çıxmazdan əvvəl yox, axşam, yatmağa hazırlaşarkən istifadə etmək lazımdır. Səhərlər dərinizə ancaq qidalandırıcı krem sürtə bilərsiz. Bu cür krem isə çölə çıxmazdan 1-1,5 saat əvvəl istifadə olunmalıdır.
Vacib olan isə, makiyaj çantanızda tərkibində bitki yağları, mum, qliserin və vitaminlər olan qalın teksturaya malik dəriyə qulluq məhsullarınızın olmasıdır.
Şaxtalı havadan sonra isti otağa girdikdə, dərhal istiyə, xüsusən də kondisionerə və ya qızdırıcıya yaxın oturmağa tələsməyin. Çünki onlar donmuş olan dərinizi daha da qurudacaq.
Onu da qeyd etmək lazımdır ki, üz maskalarından yay aylarında deyil daha çox qışda istifadə etmək lazımdır. Bundan əlavə, qışda dəri daha yavaş yenilənir, buna görə pilinq ölü hüceyrələrdən xilas olmağa və sağlam rəngi bərpa etməyə kömək edir. Amma üzünüzdə qıcıqlanma və ya iltihab varsa, heç bir halda pilinq etməyin.
Üzümüzdə vacib sayılan hissə- Dodaqlar...
Şaxtalı havalarda ən çox dodaqlar zərər görür. Onlar soyuq küləkdən çatlayır. Bunun qarşısını almaq üçün hər dəfə pomada istifadə etməzdən əvvəl dodaqlarınıza qidalandırıcı balzam sürtün.
Tərkibi yağlı olan uşaq kremi alın (daha çox təbii maddələrdən ibarət olduğu üçün). Gecələr dodağınızı kremlə bolluca yağlayın.
Mütəmadi olaraq yumşaldıcı maskadan da istifadə edə bilərsiz. Bunun üçün sizə bu qarışım lazım olacaq:
1 çay qaşığı kərə yağı və sürtgəcdən keçirilmiş biraz almanı yaxşıca qarışdırın. Qarışımı dodaqlarınıza 15-20 dəqiqə çəkin. Daha sonra onları isti su ilə yuyun və balzam sürtün.
Üzdən sonra vacib hissəmiz sayılan- Bədənimiz...
Çalışın bədən dərisini nəmləndirməyi unutmayın. Orta dərəcədə isti duş qəbul edin və bədəni gündəlik krem və ya balzamla yağlayın. Masaj xüsusilə qış vaxtı bədənə qulluq üçün vacib bir ritualdır. Qış vannası isə kobud dərini yumşaldacaq və rahatlamağa kömək edəcək:
Bunun üçün sizə 2 damcı naringi, 2 damcı evkalipt, 2 damcı mixək və 2 damcı mirra yağları lazım olacaq. Bütün bu yağları bir stəkan qaymaqla qarışdıraraq, ilıq suya əlavə edin. 15-20 dəqiqə bu vannanı qəbul edin.
Axşamlar ayaq dərisinin qabıq salmaması üçün həftəlik vannalar qəbul edərək, kremlə nəmləndirib, corab geyinib yatın. Bu, həddindən artıq tərləmənin qarşısını almağa kömək edəcək.
Gündəlik həyatımızda istifadə etdiyimiz və ən çox da zərər görən- Əllərimiz...
Əslində, qışda əllərə xüsusi qulluq vaxt tələb edilmir - sadəcə isti əlcəklərə laqeyd yanaşmayın. Hətta ev işləri görərkən rezin əlcəklərdən istifadə edin, hər əl yumadan sonra qoruyucu və qidalandırıcı kremlərdən istifadə edin. Əllər üçün də xüsusi məlhəmimiz var:
1 yumurta sarısı, 1 xörək qaşığı bal və 1 çay qaşığı yulaf əzməsi ilə qarışığı əlinizə çəkdikdən sonra parça əlcəklər geyinin. Səhər əlləriniz məxmər dərisi sizi xoşbəxt edəcək.
Qadınların əvəzolunmaz və gözəlliyinə rəng qatan –Saçlarımız...
Bunu bilin ki, qışda ən çox saçlar soyuqdan əziyyət çəkir. Saçlarınızı soyuqdan qorumaq üçün mütləq çox dar olmayan papaq taxın. Lakin çox dar papaq beyində normal qan dövranını pozur.
Saçınızı hər yuyanda saç kremindən istifadə edin. Həftədə bir dəfə qidalandırıcı maska tətbiq edin. Çölə yaş saçla qəti çıxmayın. Qışda mümkün qədər saçlarınızın dibini tam qurutmadan çölə çıxmayın. Çünki bu bir çox xəstəliklərə və ağrılara yol aça bilər.
Hər zaman gözəl və baxımlı qalın, xanımlar!
Rəna Mürşüd
