Ednews 1 İyun Uşaqların Beynəlxalq Müdafiəsi Günü ilə bağlı şair Oğuz Ayvaz və yazar Dəniz Pənahovanın 5 yaşlı qızları Ceyranla müsahibəni təqdim edir.
- Ceyran adını kim qoyub?
- Atam.
- Böyüyəndə kim olmaq istəyirsən?
- Rəssam.
- Niyə?
- Çünki evdə hər yerə şəkil çəkirəm. Lap balaca olanda evin divarlarına rəsmlər çəkirdim.
- Məktəbə gedirsən?
- Hə getdim, məktəbi sevirəm.
- Sinif rəhbəriniz kimdir?
- Lalə müəllimə.
- Dostların var?
- Aylin, Məryəm, Nazlı, Duyğu, Əsma.
- Bəs oğlan dostun yoxdu?
- Vardı, amma məni vurdu deyə küsdüm ondan.
- Ən çox hansı rəngi sevirsən?
- Ağı, qırmızını, sarını, yaşılı, çəhrayını. Ən çox çəhrayını.
- Tanrı hardadır?
- Göydə yaşayır. Evi yoxdur.
- Ondan nə istəyərdin?
- Sehrli olum, qanadlarım olsun.
- Hansı fəsli sevirsən?
- Qışı sevirəm. Qar yağsın istəyirəm, qartopu oynamaq istəyirəm. Amma qar yağmır.
- Hansı cizgi filmlərə baxırsan?
- Nastyaya baxıram.
- Bu gün Uşaqlar Günüdür. Bilirsən?
- Hə, anam dedi. Bu bayram günündə atalar, analar uşaqlarını öpür, hədiyyə alırlar.
- Atan səni haralara aparır?
- Kukla teatrına, əyləncə mərkəzinə, parka.
- Nə hədiyyəsi istəyisən?
- Oyuncaq, bir də tort.
Söhbətləşdi: Aysel Şahmar
