Macarıstan və Yunanıstan Rusiyaya qarşı 11-ci sanksiyalar paketini bloklayıb.
Onlar bəzi şirkətlərin Rusiyanın Qərb sanksiyalarını aradan qaldırmaq səylərini dəstəkləyənlər siyahısından çıxarılmasını tələb edirlər.
Macarıstan və Yunanıstan, təzyiqlərə baxmayaraq, Rusiyaya qarşı 11-ci sanksiyalar paketinin qəbulunu əngəlləməyə hazırdılar və öz növbəsində Ukraynaya öz şirkətlərindən “müharibə sponsorları” adının çıxarılmasına təzyiq göstərməyə çalışırlar.
Bəs Macarıstan və Yunanıstanın hərəkətləri Avropa İttifaqı (Aİ) ilə Rusiya arasındakı münasibətlərə necə təsir edəcək? Macarıstan və Yunanıstanın Rusiyaya qarşı sanksiyalar paketinin qarşısını almaq qərarı nəticəsində hər hansı iqtisadi və ya siyasi nəticələr ola bilərmi? Macarıstan və Yunanıstanın Rusiyaya qarşı 11-ci paketlə bağlı mövqeləri onların daha geniş xarici siyasət məqsədlərinə və digər ölkələrlə münasibətlərinə necə uyğun gəlir?
Dona Gracia Diplomatiya Mərkəzinin baş direktoru, jurnalist və siyasi analitik Reyçel Avraham bütün bu sualların cavabını Ednews-a açıqlayıb.
Onun sözlərinə görə, Ukrayna ilə müharibə başlayandan bəri Avropa İttifaqı ilə Rusiya arasında münasibətlər həmişə çox pis olub:
“Düşünmürəm ki, bu qərar nəyisə dəyişəcək. Hesab edirəm ki, Macarıstan və Yunanıstanın Rusiya ilə münasibətləri digər Avropa ölkələrindən daha yaxşıdır, çünki onlar bu addımı əngəlləyirlər. Amma bunun Avropa İttifaqı ilə Rusiya arasındakı münasibətlərə ümumiyyətlə təsir edəcəyini düşünmürəm”.
R.Abraham qeyd edib ki, Macarıstan və Yunanıstan Rusiyaya sanksiyalardan yan keçməkdə köməklik göstərdiyinə görə siyahıda olan şirkətlərinin sanksiyaya məruz qalmasını istəmir və buna əsaslanaraq mane olmağa çalışırlar:
“Beləliklə, əgər bu sanksiyalar baş tutsa, Macarıstan və Yunanıstan şirkətləri Rusiyaya sanksiyalardan yan keçməyə kömək etdikləri üçün qadağalara məruz qalarsa, iki ölkə bunu dəstəkləsə, bunun nəticələri görə biləcəyik . Amma keçməzsə, məncə, hər hansı bir nəticə verməyəcək”.
“Düşünürəm ki, əsasən Macarıstan və Yunanıstanın Rusiya və Çinlə digər Aİ ölkələrindən daha yaxşı əlaqələri var. Və onları bu xüsusi tədbiri görməyə vadar edən də budur. Avropa Parlamentində başqa məsələlər də var ki, onlar əsasən Rusiya və Çinə digər Aİ ölkələrindən daha çox rəğbət bəslədiklərini göstəriblər. Bu bir nümunədir. Bu, yeni bir şey deyil",- deyə o, yekunda vurğulayıb.
Ülviyyə Şahin
