Avropa Parlamenti Bakının Qarabağ üzərindəki addımlarını pisləyən qətnamə hazırlayır. Qətnamə ilə bağlı səsvermənin 5 oktyabrda baş tutacağı gözlənilir. Bu barədə xarici KİV məlumat yayıb.

Bundan əvvəl Aİ-nin Azərbaycana qarşı hazırladığı bəyanata Macarıstan veto qoymuşdu.

Əgər qətnamə qəbul olunarsa Azərbaycanı bununla bağlı hansısa sanksiya gözləyə bilərmi? 

Məsələ ilə bağlı politoloq Tofiq Abbasov Ednews-a danışıb. O, ilk olaraq bildirib ki, Macarıstanın bu alicənab addımına qarşı Azərbaycan mediası yanlış fəaliyyət göstərdi.

“Macarıstan Azərbaycanla olan münasibətini faz göstərərək Azərbaycana qarşı Avropa Parlamentində çıxarılan bəyanata veto qoyması təqdirə layiqdir. Lakin Macarıstan tərəfinin bunu edərkən xahişi ondan ibarət idi ki, bu məsələlər şişirdilməməli, daxili mətbuatda bu mövzuya çoxda diqqət ayrılmamalı və dövlətlər arası münasibətlərə təsir edilməməli idi. Əfsuslar olsun ki, bu belə olmadı. Sanskiya məsələsinə gəldikdə isə Azərbaycanın etdiyi bütün fəaliyyətlərin beynəlxalq hüquqla və Azərbaycan Konstutsiyası ilə heç bir ziddiyəti olmayıb. Separatçılığa qarşı layiqincə cavab verildi. Sadəcə istər NATO, istərsə də Avropa İttifaqı, onlar xristian klubu olaraq müttəfiqdilər. Əgər Azərbaycan höküməti bütün qanunlara uyğun şəkildə hərəkət edərək sanskiyaya məruz qalırsa bunun özü qanuna uyğunsuzluqdur”.

Sonda politoloq qeyd edib ki, sanksiya tərbiq edildiyi zaman Azərbaycan da neft-qaz sektorunda Avropa ilə olan müqavilələrini yenidən nəzərdən keçirə bilər. 

“Bizə qarşı belə güc mövqeyindən diqtə ilə yanaşmaq doğru deyil. Çünki Azərbaycan qeyri-qanuni heç bir fəaliyyət görməyib. Sadəcə Azərbaycanın müstəqil siyasət yürütməsi bir çox ölkələri narahat edir”. 

Xəyal Ramiz