Ötən gün Azərbaycan Respublikasının İqtisadiyyat naziri Mikayıl Cabbarov bildirib ki, cari ilin 10 ayında proqnozdan əlavə 1,1 milyard manata yaxın vergi toplanıb.

Vergi daxilolmalarında qiymətlərin yüksək olmasının səbəbi nədir? Avropa ölkələri ilə müqayisədə Azərbaycanda ümumi vergi faizi 18-dir. Bu isə Avropa ölkələrinin bir çoxu ilə müqayisədə 5-8% fərq görülür. 

Azərbaycanda vergi faizinin aşağı olmasının gəlirlərlə müqayisədə əhali üçün müsbət tərəfi varmı? Azərbaycanın vergi siyasəti necədir?

Məsələ ilə bağlı iqtisadçı Natiq Cəfərli Ednews-a açıqlamasında bildirib ki, vergi daxilolmalarının artmasının bir çox səbəbi var:

“Azərbaycanda vergi daxilolmalarında müəyyən artımın olmasının əsas səbəbi  bəzi daxilolmaların digərlərinə nisbətdə daha çox ağarmanın olmasıdır. Məsələn alış-verişlər zamanı kartlardan daha çox istifadə olunur. İstər xidmət sektorunda istərsə də ticarət sektorunda kartla baş tutan ödənişlərin sayı artıb.

Ümumiyyətlə son iki-üç ildə kart vasitəsi ilə ödəniş etmək dəfələrlə artıb.

Bu cür proseslər  iqtisadiyyatın ağarmasına səbəb olur. İqtisadiyyat ağardıqca vergi daxil olmalarıda artır.

Bu həmdə iş yerlərinədə aiddir. Əvvəllər  Azərbaycanda qeyri-rəsmi iş yerləri daha çox idi. Hazırda isə bunların rəsmiləşdirilməsi ilə bağlı addımlar atılır”. 

İqtisadçı qeyd edib ki, Azərbaycanda yeni vergi məcəlləsinin qəbul olunmasına təcili ehtiyyac var:

“Azərbaycan  vergi məcəlləsi dəfələrlə dəyişdirilib və çox qəliz dildə yazılıb.

Bir çox əlavə maddələrlə yüklənib. Bu cür hallar iş adamları üçün  baş ağrısı və problemə çevrilir. Ona görə də sıfırdan, çox sadə dildə yazılan, qısa və aydın olan vergi məcəlləsinə ehtiyac var.

Eyni zamanda vergi dərəcələrinin müxtəlif istiqamətlər üzərindən təşviq edici yanaşılmasına ehtiyyac ehtiyyac var.

Məsələn, dövlət hansı sahələrini inkişaf etdirmək istəyirsə orada vergi güzəştləri tətbiq edir, hansı sahələrə vəziyyət normaldırsa o zaman yüksək vergi dərəcəsi tətbiq etməlidir”. 

Xəyal Ramiz