“Anlamırıq ki, sülh niyə yubanır? Açar Azərbaycanın əlindədir”.
Bu fikirləri Aİ-nin Cənubi Qafqaz üzrə nümayəndəsi Toivo Klaarın son proseslərlə bağlı müsahibəsində səsləndirib. O, həmçinin sülh açarının Azərbaycanın əlində olduğunu söyləyib.
Sülh üçün bütün alternativlər olduğu halda iki ölkə arasında sülhün yaradılması nə üçün gecikir? Qərbin planlarında Cənubi Qafqazda sülh varmı?
Mövzu ilə bağlı politoloq Samir Hümbətov Ednews-a açıqlamasında bildirib ki, Qərb regionda sülhün olmamasında maraqlıdır:
“Qərbin sülh üçün alternativlər və açıqlamalar ortaya qoysalar da praktiki olaraq atdığı atdımlarda, biz sülhdən daha çox gərginlik müşahidə edirik.
Düşünürəm ki, region üzərində gərginliyin sabit saxlanılması və ya həll olunmaması ABŞ və Avropa İttifaqının mənafelərinə uyğun gəlir. Çünki onlar Ermənistandan və idarə edə biləcəkləri sandığı münaqişədən Rusiyaya qarşı istifadə edə biləcəklərini düşünürlər.
Lakin bu cür siyasət enerji problemləri yaşadıqları dönəmdə heçdə doğru olmadığını düşünürəm. Çünki nə qədər də Qərb qərəzli və ikili standartlı addımlar atsada Aİ-nın ciddi şəkildə Azərbaycandan asılılığı var”.
Politoloq həmçinin qeyd edib ki, qərbin enerji asılılığı xüsusən də Rusiya-Ukrayna müharibəsindən artıb:
“Doğrudur Azərbaycan qazı bütün Avropa ölkələrinin tələbatını ödəməsə də böyük nisbətdə ixrac etmək qabiliyyətinə malikdir. Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Tovian Klaarın belə açıqlaması sülhvərpər görünsədə, məgzi ürək açan deyil”.
Xəyal Ramiz