Ednews rus əsilli siyasi analitik Endryu Koribko proseslərlə bağlı özəl müsahibəsini təqdim edir:

- Rusiya sərhədçilərinin İrəvanın Zvartnots hava limanından çıxarılmasına necə dəyərləndirirsiniz?

- Rusiya sərhədçilərinin çıxarılması Ermənistanın qərbyönlü meylinin əyani əlamətidir və bu, Paşinyan Qərbin dəstəklədiyi “məxməri inqilab” vasitəsilə hakimiyyətə ilk gəlişindən bəri davam edən, lakin Ermənistanın 2020-ci ildə məğlubiyyətindən sonra və xüsusən də keçən il Qarabağın azad edilməsindən sonra daha da sürətlənib. Bu, siyasi cəhətdən müttəfiqliyə xələl gətirən bir addımdır, lakin həm də Rusiyanın Ermənistanın qərbyönlü mövqeyini izləməsini çətinləşdirmək, onun peykindən çıxarmaq məqsədi daşıya bilər. Beləliklə Rusiya hansı Avropa ölkəsinin Ermənistana daxil olub-olmadığına nəzarət edə bilməyəcək.

- Ermənistan bu ilin sonuna kimi Kollektiv Təhlükəsizlik Müqaviləsi Təşkilatından (KTMT) çıxacağını gözləyirsinizmi?

- KTMT Nizamnaməsində deyilir ki, üzvlər çıxmazdan altı ay əvvəl xəbərdarlıq etməlidirlər və artıq avqust ayında olduğumuzu nəzərə alsaq, Ermənistanın bu ilin sonuna kimi qanuni olaraq tərk etməsi mümkün deyil. Həm də Təşkilatda üzvlərin çıxarılması mexanizmi yoxdur, ona görə də ən azı gələn ilə qədər KTMT-də qalacaq. Ermənistan çətin ki, rəsmi olaraq çıxsın. Çünki nəzərə alsaq ki, belə olduğu təqdirdə buna alternatv NATO təşkilatdır. Qərb ölkələri buna pozitiv baxsa da, Türkiyə NATO-ya daxil olmasına icazə verməyəcək. Ermənistan isə beləliklə heç bir xarici təhlükəsizlik qarantı olmayan ölkəyə çevriləcək.

- Nikol Paşinyan hələ də Azərbaycana qarşı ərazi iddialarını özündə əks etdirən Ermənistan konstitusiyasına yenidən baxmaqdan imtina edir. Bunu nəzərə alaraq, bu ilin sonuna kimi sülh sazişinin imzalanacağını gözləmək olarmı?

-  Azərbaycan açıq şəkildə bildirdi ki, Ermənistan öz konstitusiyasındakı ərazi iddiaları ilə bağlı müddəaları aradan qaldırmadan heç bir sülh sazişi mümkün deyil. Paşinyan yeni konstitusiyanı ilin sonuna qədər uğurla referenduma çıxara bilsə belə, onun parlamentdən keçəcəyinə heç bir zəmanət yoxdur. Ən yaxşı ssenari odur ki, Ermənistan regional sabitliyi qorumaq üçün nəhayət sülh sazişi imzalanana qədər Azərbaycana qarşı sərhəd təxribatlarından çəkinsin.

- HƏMAS rəhbəri Haniyənin öldürülməsi böyük regionala müharibəyə səbəb olacaqmı? Azərbaycan üçün də təhlükə varmı? Hadisələrin baş vermə ehtimalını necə dəyərləndirirsiniz?

- Heç kim İranın necə cavab verəcəyini və bunun regional eskalasiyanı daha da pisləşdirib-pisləşdirməyəcəyini əminliklə deyə bilməz. Bununla belə, bir sıra saytlarda, nəşrlərdə, KİV - lərdə iddia edildiyi kimi, Azərbaycan İsrailə, İrana qarşı qisas almaqda kömək etməsə, onun üçün heç bir təhlükəsi olmayacaq. Bu şayiələrə inanmaq üçün heç bir etibarlı səbəb yoxdur, xüsusən də nəzərə alsaq ki, bu xarici qüvvələr tərəfindən təbliğ edilir. Belə olan halda azərbaycanlılar bu regional eskalasiya dövrünə düşməkdən narahat olmamalıdırlar.

Söhbətləşdi: Əkbər Novruz