Qvatemala parlamentinin nümayəndə heyəti qondarma respublikaya səfər edib.

 

Eurasia Diary lragir-ə istinadən xəbər verir ki, dekabrın 7-də işğalçı rejimin parlamentinin sədri Aşot Gulyan Stepanakertdə Qvatemala Konqresi sədrinin birinci müavini Felipe Alejos Lorenzananın rəhbərlik etdiyi Qvatemala parlamentinin nümayəndə heyətini qəbul edib.

 

Alejos Lorenzana, məlumatları ilk mənbədən öyrənmək üçün Qarabağda olmaqdan "şərəf" duyduğunu və münaqişənin tənzimlənməsində öz müqəddəratını təyinetmə hüququ və qərarın bütün tərəflərin iştirakı ilə verilməsinin tərəfdarı olduğunu bildirib.

 

Qeyd edək ki, əksər dünya dövlətləri tərəfindən müstəqilliyi tanınmayan qondarma "DQR"ə qanunsuz səfər edən şəxslər Azərbaycanın Xarici İşlər Nazirliyinin (XİN) "qara siyahı"sına daxil edilir. Bundan öncə bölgəyə qanunsuz səfər edən bir çox şəxslər Azərbaycandan rəsmi şəkildə üzr istədikləri üçün adları məlum siyahıdan çıxarılıb.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan