“Azərbaycanlılar bizə hər dəfə bir sürpriz hazırlayır” - Erməni keşişin gileyi | Eurasia Diary - ednews.net

15 İyun, Çərşənbə axşamı


“Azərbaycanlılar bizə hər dəfə bir sürpriz hazırlayır” - Erməni keşişin gileyi

Siyasət A- A A+

Kəlbəcərdəki qədim Alban abidəmiz olan Xudavəng Azərbaycanın nəzarəti altındadır. Daşnaklar isə tarixi məbədə “erməni kilsəsi Dadivank” deyərək gileylənirlər.

“Sputnik Armenia”yadan verilən xəbərə görə, Xudavəngə getmək istəyən “erməni zəvvar”lar çətinliklərlə üzləşdiklərini dilə gətirirlər. 

Belə ki, “Artsax”ın yepiskopu Vrtanes Abramyan monastrı ziyarət etmək istəyən ermənilərin problemlərlə qarşılaşdığını deyib. Kalaşniklə moizə oxuyan ermənilərin keşiş həmkarı gileylərini Azərbaycanın hərdən kilsə ziyarətinə icazə verməməsi ilə əlaqələndirir:

“Hər bazar günü azərbaycanlılardan sürpriz gözləyirik. Çünki müəyyən səbəblərə görə həftənin bütün 7-ci günlərində bizə Xudavəng monastrını ziyarət etmək icazəsi verilmir. Mən izah etmək istəyirəm ki, bizim bu statusda olan kilsə və monastrlarımız çoxdur. Elə Qüds şəhərinin özü İsrailin olsa da, orada Erməni kilsəsinin də səlahiyyətləri var”. 

Yəni, ermənilərə Vatikana sabah Vatikanyan desələr, buna təəccüblənmək olmaz. Abramyanın sözlərinə görə, kilsələr Azərbaycan ərazisində olsa da, ermənilərin monastr qanunları ilə idarə olunmalıdır. 

Xatırladaq ki, “ASALA”, “DRO”, “ASQA”, “Hnçak”, “Armenakan”, “Geqaron”, “AOD”, “Orli qrupu”, “Daşnaksütyun”, “Apostol” və başqa erməni terror təşkilatları qriqoryan kilsələrində yaradılıb.

Elə isə, Azərbaycan ərazisindəki kilsələrin erməni monastr qanunları ilə idarə olunmasına icazənin bədəli yeni qətliamların başlanğıcıdır. Bakı isə bunu bilir, ermənilərin də bildiyi bəzi məslələrə dəfələrlə əlavə edib ki, Xudavəng qədim alban məbədidir. Sahibi də Azərbaycandır! 

Bizim.Media

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...