ABŞ və B.Britaniya ilin ən böyük sanksiyalarını tətbiq ediblər. 

G7 ölkələri Rusiyanın milyardlarla ölçülən əmtəə ticarətini daha da məhdudlaşdırmaq istəyir. Yaponiyanın Xirosima şəhərində keçirilən G7 sammitinin başlamasına az qalmış ABŞ və Böyük Britaniya bu cümə günü aparıcı Qərb sənayeləşmiş dövlətləri arasından yeni sərt tədbirlər  elan ediblər.

ABŞ-ın yüksək rütbəli rəsmisi Xirosimada bildirib ki, ABŞ 70-ə yaxın şirkət və təşkilatın Rusiyaya qarşı ixracatını dayandırır. London Rusiya almazlarına , eləcə də Rusiyadan mis, alüminium və nikel idxalına qadağa qoymaq istəyir .

ABŞ 300-dən çox insana, şirkət və təşkilatlara, gəmilərə və təyyarələrə qarşı cəza tədbirləri tətbiq etmək istəyir. Böyük Britaniya da 86 nəfərə və şirkətə qarşı sanksiya tətbiq etməyi planlaşdırır. ABŞ rəsmisi bildirib ki, bütün G7 ölkələri yeni sanksiyalar və ixrac nəzarəti hazırlayır.

Aİ da Rusiyaya qarşı qiymətli almaz idxalını dayandırıb.

Xirosima görüşündən əvvəl də məlum olmuşdu ki, bütün G7 ölkələri Rusiyadan kobud almazların ixracını məhdudlaşdırmaq istəyirlər . Avropa İttifaqı Şurasının sədri Çarlz Mişel Rusiyanın almaz iqtisadiyyatına qarşı sanksiyalar planlarını təsdiqləyib.

ABŞ-dan başqa, G7-yə Yaponiya, Almaniya, Böyük Britaniya, Fransa, İtaliya və Kanada, eləcə də Avropa İttifaqının nümayəndələri daxildir. G7 qrupunun müzakirələri cümə günündən bazar gününə kimi planlaşdırılır.

Gülməmmədov Xəyal