“Cənubi Qafqazda vəziyyətin nizamlanması üçün Rusiya, Azərbaycan və Ermənistan liderlərinin üçtərəfli bəyanatlarına alternativ yoxdur”.
Ednews “Sputnik Ermənistan”a istinadən xəbər verir ki, bunu Moskvada Rusiya, Azərbaycan və Ermənistanın XİN rəhbərləri arasında keçirilən üçtərəfli görüşdə Rusiyanın XİN rəhbəri Sergey Lavrov deyib.
Onun sözlərinə görə, liderlərin üçtərəfli bəyanatlarında mahiyyət etibarilə davamlı həllərə nail olmaq üçün yol xəritəsi mövcuddur:
“Cənubi Qafqaz ətrafında vəziyyəti analiz etdik, hesab edirik ki, liderlərin bəyanatlarına alternativ yoxdur. Rusiya regionda sülh və sabitlik istəyir”.
