İran İslam Respublikasının Prezidenti Seyid İbrahim Rəisi Azərbaycan Respublikasının Prezidenti İlham Əliyevə təbrik məktubu ünvanlayıb. 

Təbrik məktubunda İranın hər zaman Azərbaycanın suverenliyini və ərazi bütövlüyünü tam şəkildə dəstəklədiyi qeyd olunsa da, lakin hadisələr bunun tam əksini göstərir, Ermənistanı öz qırmızı xətti adlandıran İran niyə ikili oyun oynayır?

Bu barədə Ednews-a güneyli şair Sayman Aruz bildirib ki, İranın Azərbaycana olan mənfi münasibətinin kökündə orada yaşayan 45 milyondan çox Azərbaycan əhalisinin olmasıdır. 

“İran özü də bilir ki, əslində İran adlanan ölkə Azərbaycanın tarixi torpaqları və tarixi irsinin üzərində qurulub. Ümumiyyətlə, İran adı belə farslara aidiyyatı olmayan bir ad olub. Tarix boyu azərbaycanlıların işlətdiyi, sahib olduğu ərazi və ad olub. Arazın şimalında, Azərbaycanın şimal torpaqlarında müstəqil bir dövlətin qurulması İranı ona görə qorxudur ki, İranın daxilindəki Azərbaycan əhalisi öz dövləti ilə birləşər və yaxud dövlətinə tay bir dövlət yaradar. Ona görə də bu prosesin qarşısını almaq və ləngitməkdən ötrü müxtəlif oyunlar oynayır. O cümlədən Ermənistan məsələsini gücləndirmək, onların yanında olmaq, guya “erməni həqiqətlərini” dünyaya yaymaqla separatçılara kömək etmək, Azərbaycanı zəiflədə biləcək istənilən amili gücləndirmək”.

S.Aruz qeyd etdi ki, son 30 ildə də İranın oyunlarını, hiyələrini bütün dünya gördü:

“Sərhəddəki narkotik məsələləri, adamların keçidlər və.s. İran Ermənistan üçün tranzit bir ölkəyə çevrildi. Cənab prezidentin də söylədiyi kimi, müharibə ərəfəsində İran ordusu Azərbaycan ordusunun irəliləməsini 1 həftə ləngitdi. Bu da səbəb oldu ki, müharibədə bizim daha çox şəhidlərimiz olsun. İran bu gün soydaşlarımızın mədəniyyətini, dinini, dilini təhrifə və assmilyasiyaya uğratmaqla məşğuldur”. 

Oğuz