Xəbər verdiyimiz kimi, Erməni separatçılarının Xocavənddə yerləşdirdiyi minanın partlaması nəticəsində 7 azərbaycanlı polisin şəhid olmasından sonra Azərbaycan Müdafiə Nazirliyi Qarabağda “Antiterror tədbirləri” elan edib. İran başda olmaqla bir çox ölkələr bu hadisələrə narahatlıqlarını ifadə edib.
Maraqlıdır, Ermənistanı daima öz müttəfiqi adlandıran İranın Azərbaycanla münasibətinə bu necə təsir edəcək?
Məsələ ilə bağlı Ednews-a danışan Qahirə Universitetində İranşünaslıq üzrə tədqiqatçı Dr. Mervət Zəkəriyyə bildirib ki, antiterror tədbirləri Azərbaycan - İran münasibətlərinə təsir etməyəcək”.
“Azərbaycanın bu hərbi eskalasiyası və erməni separatçılarını tərksilah etmək tələbi cari regional və beynəlxalq hadisələr və dəyişikliklər kontekstində baş verir.
İran Qafqazda vəziyyətin sabitləşdirilməsində böyük maraqları olan regional ölkədir, lakin Qərb İrana qarşı iqtisadi sanksiyalar tətbiq etməsi nəticəsində ağır iqtisadi böhran yaşayır. Digər tərəfdən Bakı 2020-ci ildəki sonuncu genişmiqyaslı müharibədən sonra Qarabağın qalan torpaqlarını geri qaytarmaq üçün yaranan fürsətdan istifadə etdi”.
Hadisələrin Azərbaycan-İran münasibətlərinə təsirindən danışan tədqiqatçı deyib ki, bu hadisələrin İranla Azərbaycan arasında gərginliyə səbəb olmayacaq. Bunun səbəbi isə İranın uzun müddətdir ki, ölkə daxilində gərginlik olmasını qarışısını almaq uğrunda mübarizə aparmasıdır. O, qeyd edib ki, İranda yaşayan Azərbaycan icması ermənipərəstlərə qarışı Azərbaycanın mövqeyini dəstəkləyən nümayişlər keçiriblər.
“Digər tərəfdən, İran hesab edir ki, Bakı ilə münasibətlərdəki gərginlik Azərbaycanı həm İsrail, həm də Türkiyə ilə münasibətləri yaxşılaşmasına səbəb olacaq və Türkiyənin təsiri Qafqaz da daha da genişlənəcək. Həmçinin İran İsrailin Azərbaycanla yaxın olmasını istəmir. Bundan başqa İran Azərbaycanı Türkiyə ilə bağlayacaq Zəngəzur dəhlizinin açılmasına da qarşıdır. Düşünürəm ki, İran Ermənistandan daha çox Azərbaycanla münasibətlərinin inkşafına çalışmalıdır”.
Loğman Yunis
