“Qarabağ erməniləri etnik təmizləməyə məruz qala bilməz”.
Ednews xəbər verir ki, bu fikirləri Asiya və Qafqaz məsələləri üzrə ekspert Dr. Basil Əl-Əl- Həcc Casim “Əl-Hədas” kanalına müsahibəsində səsləndirib.
“Aydındır ki, Azərbaycan Qarabağ məsələsinin son mərhələsinə doğru irəliləyir lakin bu, Ermənistan da bir çox böhranlara yol açacaq. Nəinki on minlərlə Qarabağ ermənisinin Ermənistana köçməsi.
Mənim fikrimcə, Qarabağda doğulub yaşayan yeni nəsil ermənilər Ermənistana köç edəcək və onilliklər ərzində Qarabağda yaşayan köhnə nəsil Qarabağı tərk etməyəcək”.
Ermənistanın Qarabağda etnik təmizləmənin olması ilə bağlı irəli sürülən ittihamlara cavab verən ekspert bildirib ki, orada heç bir etnik təmizləmə baş vermir.
“Çünki Azərbaycan bu məsələ ilə bağlı açıqlamalarında açıq şəkildə bildirib ki, 90-cı illərdə azərbaycanlılara qarşı cinayətlər törədən ermənilər əfv edilməyəcəyini, qalanlarının isə başqa cinayət əməllərində iştirak etməyibsə bağışlanacaqlarını bildirib.
Lakin azərbaycanlılar və Qarabağ erməniləri arasında olan etimadsızlıq təhlükəsizlik məsələrinə mane ola bilər. Bu torpaqlar beynəlxalq qanunlara və Ermənistan hökumətinin rəsmi açıqlamalarına görə Azərbaycan torpağıdır”.
Bu məsələnin sona çatmasının nəticələrindən danışan ekspert bildirib ki, ilk böhran Ermənistanın daxilində olacaq, çünki Ermənistanın baş naziri Nikol Paşinyana qarşı nümayişlər var və onu İkinci Qarabağ müharibəsində məğlubiyyətdə günahlandırırlar. Eyni zamanda onu dəstəkləyən və baş verənlərə görə Rusiyanı günahlandıran nümayişlər də var.
“Hazırda Paşinyanın mövqeyi çox zəifdir, lakin keçmişdə Ermənistan daxilində böyük dəstək qazanıb. Hətta Qarabağın böyük hissəsini itirdikdən sonra baş tutan seçkilərdə qalib olub.
Lakin Paşinyan müharibədən əvvəl baş verən son gərginlik zamanı 40.000 Qarabağ ermənisi üçün mənzil hazırladığını bəyan etməsi nəticəsində çoxlu tənqidlərə məruz qalıb. Çünki Paşinyan Azərbaycan və Ermənistan arasında müharibə başlayarsa, məğlub olacağını bilirdi və elə də oldu”.
Ermənistan-Rusiya münasibətlərinin gələcəyindən danışan ekspert bildirib ki, Rusiya İrəvanın Cənubi Qafqaz regionunda xarici siyasətində təsirli rol oynayıb.
“Belə görünür ki, bu münasibətlər Paşinyanın ABŞ-a yaxınlığı və təhlükəsizlik iqtisadi səbəbindən artıq dönüş nöqtəsinə gəlib. Lakin mövcud regional şərait və dəyişikliklər səbəbindən Rusiya Ermənistana bunu etməyə imkan verməyəcək”.
Loğman Yunis