Nikol Paşinyan “Sülh qovşağı” adlı layihə təqdim edib. Layihə Zəngəzurdan keçəcək yollara və ya nəqliyyat dəhlizinə Ermənistanın nəzarətini ehtiva edir. Rusiya açıq formada bildirib ki, həmin yollara nəzarət onda olmalıdır. Qərb bu məsələdə Ermənistanı dəstəkləyir. Bu nöqtədə toqquşan maraqlar dəhliz məsələsini hansı istiqamətə çəkə bilər?

Mövzu ilə bağlı Ednews-a politoloq Fikrət Sadıqov bildirdi ki, Azərbaycanın əsas strateji məqsədi Zəngəzur dəhlizini açmaqdır. Onun sözlərinə görə, bu məsələ gec-tez öz həllini tapacaq:

“2020-ci ilin 10 noyabr tarixində Ermənistanın Baş naziri Paşinyan üç tərəfli bəyannaməyə imza atıb. O bəyyanamədə yazılıb ki, bütün komunikasiyalar, o cümlədən Zəngəzur dəhlizi açılmalı, rus sərhədçiləri dayanmalıdır və orda təhlükəsizlik məsələlərinə nəzarət edəcəklər. Bununla bağlı başqa bir sənəd yoxdur. İndi kimsə bunun əksinə nəsə demək istəyirsə, bundan sonra fəaliyyət göstərmək istəyirsə təbii ki, bu Rusiya ilə qarşıdurmaya gətirib çıxaracaq. Əgər bu məsələni qarşıdurmaya gətirib çıxarmaq istəyirlərsə qoy etsinlər. Amma bizim əsas məqsədimiz Zəngəzur dəhlizini açmaqdır. Çünki Azərbaycan gec-tez Naxçıvan yolunu açacaq. Bu bizim əsas strateji məqsədimizdir. Kim olur olsun, hansı oyunçu iştirak edə bilmək istəyirsə etsin. Düşünmürəm ki, Rusiya buna biganə qalacaq. Çünki Rusiya bu məsələdə öz mövqeyini bundan sonra da möhkəmləndirəcək və çalışaq ki, qərblə, hətta müəyyən siyasi, ideoloji qarşıdurmaya çıxsa da bütün hallarda dəhliz açılmalıdır. Rusiya çalışacaq ki, Zəngəzur dəhlizini məsələsində nəzarəti öz üzərinə götürsün”. 

Oğuz