Rusiyanın Ukrayna cəbhəsində son uğurlu əməliyyatları Qərb dövlətlərini təşvişə salıb. Ordunun belə irəliləməsi Avropa İttifaqını rezertv planlara əl atmağa vadar edib.
Yeni addım kimi Slovakiyanın baş naziri Robert Fiko Ukraynanın qərbinə NATO ordusu yerləşdirilməsini təklif edib. Qərb dövlətləri bunu Rusiyanın Qərbi Ukraynaya hərbi irəliləyişinin qarşısını almaq planı kimi təqdim edib. Məsələ NATO dövlətlərini müzakirəyə cəlb edib.
NATO öz ordularını Ukrayna ərazisinə yerləşdirmək riskini gözə ala biləcəkmi? Bu yeni müharibə anonsu ola bilərmi?
“Rusiyanın NATO-ya hücum etməyəcəyindən o qədər də əmin olmaq lazım deyil. Təzyiq altında olarkən Putin geri çəkilməyəcəyini kifayət qədər sübut edib”.
Bu fikirləri Ednews-a açıqlamasında britaniyalı siyasi ekspert Neyl Vatson bildirib. Onun sözlərinə görə, Robert Fikonun Ukraynaya NATO ordusu yerləşdirmək təklifi Avropada hələ müzakirə ediləcək.
“Parisdə NATO dövlətləri arasında baş tutan görüş zamanı Fransa rəsmiləri bundan sonra Qərbin uğursuzluğa düçar olduğunu qəbullanmaq strategiyası ilə davam edəcəklərini etiraf ediblər.
Mənim fikrimcə, Ukraynaya ordu yerləşdirmək arzuolunmaz nəticələr yaradar. Rusiya bunu yeni provakasiya kimi qəbul edəcək. Rusiya höküməti beləcə Qərbə qarşı revanşizm siyasətindən istifadə edə bilər. Moskvanın indiki siyasi vəziyyətdə nə addım atacağını təxmin etmək olmaz. Ukraynaya Rusiyadan başqa hər hansı qüvvə daxil olarsa, Putin gözlənilməz istiqamətlərdə hücuma keçəcək”.
Ekspert ABŞ və Fransa istisna olmaqla bir çox NATO üzvlərinin bu məsələ ilə razılaşmadığını bildirib:
“Müharibənin ikinci ili tamam olub və indi tərəfllər sülhün tətbiq edilməsi üçün çalışmalıdır. Robert Fiko bu məsələyə görə “ruspərəst” adlandırılıb. Lakin, həm ABŞ prezidenti Co Bayden, həm də Fransa prezidenti Emmanuel Makron NATO-nun Ukraynadakı hərbi fəaliyyətini tamamilə istisna etmədiklərini bildirib.
Şanslıyıq ki, bir çox Avropa dövlətləri bunun lazımi addım olmadığını təkidlə müdafiə ediblər. Unutmaq olmaz ki, həm Ukrayna, həm də Rusiya öz xalqlarına müharibədə uğurlu olduqlarını sübut etməyə çalışır. Buna görə də, əlavə hərbi müdaxilələr kifayət qədər qarışıq olan situasiyanı daha da ağırlaşdırar”.
Fərid
