Son günlərdə paylaşılan qazi Elvin Rəsulovun fotosu ilə bağlı təfərrüatlar məlum olub.
Sözügedən foto "Tanrının Ritmi" filminin çəkilişlərindəndir.
Bununla bağlı Ednews-a filmin qrim ustası İlkanə Müşviq qızı məlumat verib.
“Fotoda gördüyünüz oğlan qazi Elvin Rəsulovdur. Çəkdiyimiz film qazilər haqqındadır. Filmdə tək Elvin yox, başqaları da yer alıb. Mövzusu müharibədə qazilərin başına gələnlər haqqındadır. Orada birinin qolu, birinin gözü, birinin ayağı qopur, minaya düşür və s. Mən də yaralarını, ağrı-acılarını qrim edərək insanlara çatdırıram. Bu şəkli də mən çəkib əl işim kimi paylaşdım, bir də baxdım ki, bütün xəbər saytları tirajlayıb. Amma öz əsərim kimi yox müəllif hüququm olmadan fərqli başlıqlarla. Bu məni həm sevindirdi həmdə müəllif hüquqları tapdandı deyə bir az pis etdi”.
Qrim ustası İlkanə Müşviq qızı film haqqında da məlumat verib.
“Film çəkilişinə oktyabr ayından başlamışıq. Çəkilişlərin bir hissəsi Qəbələdə, bir hissəsi isə Bakıda Qaraheybetde paliqonda olub. Filmi il sonuna kimi təqdim edəcəyik”.
Qeyd edək ki, qazi Elvin Rəsulovun da yer aldığı filmdən foto sosial şəbəkələrdə paylaşılaraq izləyicilərin diqqətini çəkib.
Ləman Abbaslı