Almaniyada 2021-ci ildə 662 islamofobiya halları müşahidə edilib.
Ednews Yeni Safak –a istinadən xəbər verir ki, Almaniyada son bir ildə müsəlmanlara qarşı törədilən zorakılıqlar nəticəsində 46-dan çox məscidə hücum edilib və 17 nəfərə isə xəsarət yetirilib.
Diskriminasiyaya qarşı mübarizə aparan qrupun layihə direktoru Süleyman Dəmirin sözlərinə görə, müsəlmanlara və məscidlərə hücumların pandemiyadan sonrakı, xüsusilə iqtisadi problemlərin yaşandığı dövrdə daha da artdığını bildirib.
O, Anadolu Agentliyinə açıqlamasında hicablı qadınların daha çox hədəfdə olduğunu qeyd edib.
“Biz təkcə kişilər yox, hicab taxan qadınların da fikizi hücumlara məruz qaldığına şahidi oluruq”.
Süleyman Dəmir, həmçinin bildirib ki, Almaniyada polis və təhlükəsizlik qüvvələri islamofobiya hallarının artmasına ciddi yanaşmırlar.
“Polis orqanları transfobiya və ya antisemitizm mövzusunda təlimlər keçirlər, lakin müsəlmanlara qarşı cinayətlərlə mübarizə mövzusunda təlimlər keçmirlər”, –
deyə Dəmir müsəlmanlara qarşı hücumların cinayət statistikasında lazımi qaydada qeydə alınmadığını bildirib.
Onun sözlərinə görə, ifrat sağçı qruplar müsəlmanlara və digər milli azlıqlara qarşı təbliğatda enerji və iqtisadi problemlərdən sui-istifadə edirlər.
Qeyd ki, 2022-ci ildə Almaniya dövlət orqanları tərəfindən 152 islamafobiya halları qeydə alınıb
Yunis Abdullayev
