Dünyanın ən bədbəxt ölkələrinin siyahısı açıqlanıb.

Ednews "skynews" nəşrinə istinadən xəbər verir ki, Cons Hopkins Universitetinin professoru Stiv Hanke tərəfindən hər il dərc edilən siyahıya 2022-ci il üzrə Zimbabve başçılıq edir.

Belə ki, dünyanın ən depressiv 5 ölkəsi sırasında yer alan Zimbabve ardıcıl 3-cü ildir ki, siyahıda ilk pillədədir.

160 ölkənin iqtisadi göstəricilərinə əsasən tərtib edilən siyahıda Suriya, Livan, Sudan və Yəmən də ilk sıraları bölüşür.

Ölkələr 4 meyar - işsizlik nisbəti, inflyasiya nisbəti, kredit faizləri və ÜDM artımı göstəricilərinə əsasən sıralanır.

İndeksdə ikinci yerdə Venesuela, üçüncü yerdə isə artıq 12 ildir müharibənin davam etdiyi Suriya gəlir. Livan dörd, Sudan beş, Yəmən isə yeddinci yerləri paylaşır.

Dünyanın ən inkişaf etmiş ölkələrindən olan İsveçrə uzun ömürlülük və orta aylıq əmək haqqı göstəricilərinə əsasən siyahının sonunda qərarlaşıb. Bədbəxtliyin ən az olduğu ölkələr arasında Küveyt, İrlandiya, Yaponiya, Malayziya, Tayvan, Niger, Tayland, Toqo və Malta da var.

Böyük Britaniya ən bədbəxt ölkələr indeksində 153-dən 129-cu sıraya düşüb. Buna səbəb artan inflyasiya olub.

Birləşmiş Ştatlar isə ən bədbəxt ölkələr siyahısında 102-ci yerdən 134-cü yerə yüksəlib. Son onilliklərdə ölkədə işsizlik ən aşağı səviyyədədir.

2022-ci ildən müharibə şəraitində olan Ukrayna işsizlik səviyyəsinin 3 dəfə artmasına görə ən bədbəxt ölkələr arasında səkkizinci yerdə qərarlaşıb.

Törə Zeynal