Latviyada Prezident seçkilərinin nəticəsi açıqlanıb. 

Ednews xəbər verir ki, Latviya Seymi tərəfindən seçilən ölkənin Xarici İşlər Nazirliyinin hazırkı rəhbəri Edqars Rinkeviç tələb olunan minimum 51 səsi qazanaraq Latviyanın yeni prezidenti olub. 

Belə ki, onun namizədliyini 52 deputat dəstəkləyib. 

Qeyd edilib ki, yeni prezident Rusiyanın fəal tənqidçisidir və Ukrayna hakimiyyətini aktiv şəkildə dəstəkləyir. 

Xatırladaq ki, Rinkeviçdən başqa prezident seçkilərində daha iki namizədi iştirak edib:

İş adamı Uldis Pilens və hüquqşünas Elina Pinto. Hazırkı prezident Egils Levits öz namizədliyini irəli sürməyib.