Mayın 31-də Əl-Cəzirə Media Şəbəkəsi Britaniya Standartları İnstitutu (BSI) tərəfindən məlumatların idarə edilməsi və məxfiliyin qorunması üzrə  ISO 27701 sertifikatına layiq görülüb. Bu nailiyyət Şəbəkənin məlumatların mühafizəsi idarəetmə sistemləri və təcrübələrinin hərtərəfli nəzərdən keçirilməsindən sonra əldə edilib.

Ednews xəbər verir ki, Əl-Cəzirə Media Şəbəkəsinin Məlumatların Mühafizəsi üzrə Meneceri İmran Çovdhuri sertifikata görə öz məmnunluğunu bildirib: “Əl-Cəzirə-nin İnformasiya Məxfiliyi üzrə ISO 27701-ə layiq görülməsi Əl-Cəzirə daxilində Aİ Ümumi Məlumatların Mühafizəsi Qaydası və Qətər Şəxsi Məlumatların Məxfiliyinin Qorunması Qanununa uyğun gəlmək üçün uzun illər davam edən işin nəticəsidir. Keçən ilin dekabr ayında BSİ məlumatların mühafizəsi idarəetmə sistemlərimizin hərtərəfli nəzərdən keçirilməsinə başladı və bu sahədə beynəlxalq səviyyədə tanınmış ən yüksək standartlara riayət etməyimizi təmin etdi."

BSI-nin Biznesin İnkişafı üzrə Meneceri Camal Dalli sertifikatı təqdim edərkən bildirib ki, “Əl-Cəzirə YŞA (Yaxın Şərq və Afrika) regionunda məlumatların qorunması sahəsində BSI tərəfindən ilk dəfə ISO 27701 sertifikatı ilə sertifikatlaşdırılmış media qurumudur, həm də Qətərdə ilk qurumdur ki, belə bir sertifikara layiq görülübş.”

Dalli, rəqəmsal platformalar və digər xidmətlər arasında məlumatların qorunması üçün müvafiq standartları və tədbirləri dəstəkləməkdə dayanıqlı öhdəliyini vurğulayaraq, Əl-Cəzirənin Məlumatların Mühafizəsi Qrupunun fəaliyyətini yüksək qiymətləndirib.

Təqdimetmə mərasimi Əl-Cəzirə Media Şəbəkəsinin baş qərargahında baş tutub, həmçinin mərasimdə baş direktor vəzifəsini icra edən Dr. Mostefa Souaq, İnsan Resursları üzrə İcraçı Direktor Xalid Əli Cohar və Əl-Cəzirə-nin digər yüksək səviyyəli menecerləri iştirak ediblər.

Qeyd etmək lazımdır ki, Əl-Cəzirə Media Şəbəkəsi 2022-ci ilin fevralında BSI-dən məlumatların təhlükəsizliyi üçün ISO 27001 sertifikatına da layiq görülüb.