ABŞ prezidenti Cozef Bayden ABŞ-da yaşayan erməniləri məyus edib.
Ednews xəbər verir ki, bu barədə “The California Courier” qəzetinin redaktoru Harut Sasunyan NEWS.am-a açıqlamasında bildirib
"ABŞ-ın Beynəlxalq İnkişaf Agentliyinin (USAID) administratoru Samanta Pauer Ermənistana gəlir və utanmadan deyir ki, ABŞ 11,5 milyon dollar ayıracaq. Bu, çox kiçik məbləğdir, ABŞ hökumətinin mövqeyindən son dərəcə məyus oldum".- Sasunyan bildirib.
Onun sözlərinə görə, ABŞ ən azı 1 milyard dollar ayırmalı idi ki, hamı bir qədər kömək ala bilsin.
“Hər kəsdən gözəl, göz aldadan sözlər eşitməkdən bezmişik. Mən bütün həyatım boyu Baydeni müdafiə etmişəm, lakin indi ABŞ-ın bütün erməni icması ondan məyus olub.
Əminəm ki, Bayden keçən dəfəki qədər erməni səsini almayacaq”, - o əlavə edib.
Eyni zamanda Sasunyan hesab edir ki, Baydenin rəqibi Trampın namizədliyi erməni maraqları üçün daha da pisdir.
"Beləliklə, seçim pis (Bayden) və daha pis (Tramp) arasındadır", - deyə o, qeyd edib.
Əkbər
