Ermənistanda gələn il növbədənkənar parlament seçkiləri keçirilə bilər.
Ednews “Hraparak“ nəşrinə istinadən xəbər verir ki, bu barədə ölkənin siyasi dairələrində aktiv müzakirələr gedir.
Nəşr yazır ki, Baş nazir Nikol Paşinyan “Vətəndaş Müqaviləsi” partiyasının idarə heyətinin son iclaslarından birində hazırkı parlament müxalifətinin “məqsədinə çatacağı” ilə hədələyib.
“Paşinyan yeni seçkilər keçirəcəyini, parlamentin hazırkı mənzərəsini dəyişdirəcəyini və parlament müxalifətini tamamilə yeni bir formaya salacağını qeyd edib”, - nəşr bildirib.
Həmçinin qeyd olunub ki, bu addımı atmaqda məqsəd - siyasi qüvvələri hazırlıqsız yaxalamaq və yeni müxalifətin baş qaldırmasına imkan verməməkdir.
