“Hazırkı mərhələdə Moskvanın istər Donbasda, istərsə də Dağlıq Qarabağda əlavə gərginliyə ehtiyacı yoxdur...”
"Rusiya Xarici İşlər nazirinin münaqişə edən ölkələrə səfəri Rusiya-Türkiyə münasibətləri üçün yeni bir situasiyada baş verdiyi üçün əhəmiyyətlidir”.
Eurasia Diary xəbər verir ki, bu fikri tanınmış rusiyalı politoloq Aleksey Malaşenko qəsbkar Ermənistanın “168 jam” qəzetinə Rusiya baş diplomatının Bakı və İrəvana gözlənilən səfəri barədəki açıqlamasında ifadə edib.
“Bu gün yeni gerçəkliklər meydana çıxıb. Bunlardan ən ciddisi Donbas ətrafındakı vəziyyətdir” –deyən politoloqun sözlərinə görə, son aylarda Donbas məsələsində Rusiyanın Türkiyəyə yanaşmaları elə qurulub ki, Moskvanı Fransa və Birləşmiş Ştatlar kimi digər oyunçularla uzun məsafəli əlaqələr probleminə daha ehtiyatla yanaşmağa məcbur edəcək bir situasiya yaranıb.
“Hazırkı mərhələdə Moskvanın istər Donbasda, istərsə də Dağlıq Qarabağda əlavə gərginliyə ehtiyacı yoxdur və hər iki bölgədəki vəziyyət Türkiyə, Fransa və ABŞ-ın fərqli hərəkət etməsinə imkan verir. ATƏT-in Minsk qrupu həmsədrlərinin danışıqlarda iştirakına şərait yaranması isə Türkiyənin bu münaqişə bölgəsindəki rolunu azalda bilər. Nəticə etibarilə Moskvanın ilk hədəfi Qarabağ ətrafında Fransa və ABŞ-a qarşı geopolitik təmkinlilik yaratmaqdır və onların bundan imtina etməsi vəziyyəti digər yerlərdə gərginləşdirə bilər. Başqa sözlə, bu, masaüstü bir oyundur ”-deyə analitik vurulayıb.
Malaşenkonun fikrincə, Lavrovun bu səfərin Rusiyanın da ehtiyac duyduğu ATƏT-in Minsk qrupunun qarşıda gözlənilən işlərinin başlanmasına zəmin hazırlayacaq.
