ABŞ və Qərbi Avropa Rusiyanın Şərqi Avropada güclənməsini istəmirlər - Ekspert - ednews.net

28 May, Şənbə

(+994 50) 229-39-11

ABŞ və Qərbi Avropa Rusiyanın Şərqi Avropada güclənməsini istəmirlər - Ekspert

Analitika A- A A+

Yanvarın  10-də İsveçrənin Genevrə şəhərində ABŞ və Rusiya, yanvarın 12-də Brüsseldə Rusiya və NATO, yanvarın 13-də isə Rusiya və Avropa rəsmiləri arasında danışıqlar baş tutub. 

Diplomatik görüşlərdə Qərb və Rusiya arasında Avropada təhlükəsizlik, eləcə də Moskvanın təklif etdiyi “təhlükəsizlik zəmanətləri” ətrafında müzakirələr aparılısa da heç bir nəticə əldə olunmayıb.  Yayılan məlumatlara görə,  danışıqlarda tərəflər arasında ciddi şəkildə fikir ayrılıqları olub və heç bir razılıq əldə olunmayıb.

Bundan sonra, ATƏT-nin fəaliyyətdəki sədri, Polşanın xarici işlər naziri Zbiqnev Rau çıxışında bildirib ki, Avropa son 30 il ərzində ən böyük müharibə riski ilə üz-üzədir.

Məsələlərin belə ciddi hal alması narahatdoğurucudur. Çünki  Qərblə Rusiya arasında fikir ayrılıqları daha da kəskin hal alır. Bu isə Rusiyaya qarşı olan dövlətlərin NATO-ya can atmasına səbəb olub, bu da son zamanlar mütəmadi şəkildə müşahidə olunur.

Mövzu ilə bağlı EDNews.net-ə danışan Topçubaşov analitik mərkəzinin sədri və siyasi analitik Rusif Hüseynov Şərqi Avropada Rusiya və NATO arasında hərbi toqquşma ehtimalının və müharibə riskinin olduğunu təsdiq edib.  O, bildirib ki, Şərqi Avropa ölkələri Rusiyanı regionda hələ də təhlükə kimi görür.

“Regionda hərbi gərginlik var. Hətta, müharibənin başlanılması təhlükəsi də var. Hər ikisinin baş vermə ehtimalı yüksəkdir. Bəzi şərhçilər və analitiklər hazırda Ukraynada baş verən prosesləri və Ukraynanın sərhədinə yaxın ərazilərdə Rusiya qoşunlarının toplanmasını Moskvanın məqsədyönlü təxribatı hesab edir. Lakin bəziləri Rusiyanın məqsədinin ciddi olduğunu və vəziyyətin gərginləşməsində maraqlı olduğunu düşünür”.

Siyasi ekspert müharibə riskinə aparan proseslərin növbəti mərhələlərdə daha da aydın görünəcəyini bildirib.

“Regionda müharibə riskinin qalıb və ya qalmayacağı növbəti mərhələlərdə danışıqların nəticələrindən asılı olacaq. ABŞ və Avropanın Rusiyanın ultimatomu ilə razı olub və ya olmayacağı hələ dəqiq bilinmir. Bir tərəfdən ABŞ və Avropa ölkələri, əsasən Fransa və Almaniya Rusiya ilə münaqişəyə girmək istəmirlər. Çünki onların hazırki siyasi maraqlarında əsas məqsəd Çinin beynəlxalq təsirinin qarşısını almaqdır. Amma eyni zamanda nə ABŞ, nə də Qərbi Avropa ölkələri Şərqi Avropa Rusiyaya qurban vermək istəmirlər.  Bu hal baş verəcəyə təqdirdə  Qərbin nüfuzu ciddi şəkildə zədələnə bilər”.

Sonda Rusif Hüseynov Rusiyanın Şərqi Avropada hələ də təhlükəli varlıq kimi göründüyü qeyd edib.

“Şərqi Avropada NATO və Avropa İttifaqının üzvləri Rusiyanı özlərinə təhlükə kimi görür. Onlar Qərbin buradan geri çəkilməsini və boşluğu Rusiyanın doldurmasını istəmirlər. Yenə, Şərqi Avropada müharibənin başlayacağı barədə proqnoz vermək mümkün deyil. Görünən yalnız budur ki, hərbi toqquşma və müharibə ehtimalı yüksəkdir”.

Yunis Abdullayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...