Bu gün gecə saatlarında “HƏMAS” rəhbərinin Tehrandakı iqamətgahı raket atəşinə tutulub. Atəş nəticəsində Siyasi Bürosunun rəhbəri İsmayıl Haniyə həyatını itirdi. Hadisə ilə bağlı araşdırmalar aparılır, lakin təfərrüatlar açıqlanana qədər, gəlin biz bu rəhbərin kim olduğuna nəzər yetirək.
Ednews təqdim edir:
Haniyə 1962-ci ildə Qəzza şəhəri yaxınlığındakı qaçqın düşərgəsində anadan olub, 1980-ci illərin sonunda Birinci İntifada və ya Fələstinlilərin Cəbaliyah qiyamı zamanı HƏMAS-a qoşulub.
O, 2006-2007-ci illərdə Fələstin Muxtariyyətinin baş naziri vəzifəsində çalışıb, o vaxt HƏMAS Fələstin qanunvericilik seçkilərində mandatların əksəriyyətini qazanıb. Hansı ki, bu onun kariyerasında dönüş nöqtəsi olub.
Qəzza zolağında HƏMAS-ın rəhbərlik etdiyi administrasiyanın yaradılmasından sonra, HƏMAS-ın rəqib FƏTH qruplaşması ilə mübahisəsi nəticəsində Haniyə 2007-2014-cü illərdə Qəzzada de-fakto hökumətin rəhbəri vəzifəsində çalışıb.
2017-ci ildə o, Həmas-ın siyasi bürosunun rəhbəri vəzifəsinə Xalid Məşəlin yerinə seçilib.
Haniyə 2019-cu ilin dekabrında Qəzzanı tərk edib və bir müddət Türkiyə daha sonra isə Qətərdə yaşayıb. Burada isə məqsəd HƏMAS-ı xaricdə təmsil etmək təşəbbüsü idi.
Onun ən diqqətəlayiq əvvəlki səfərləri arasında 2020-ci ildə ABŞ-ın pilotsuz təyyarəsinin zərbəsi nəticəsində öldürülən İran İslam İnqilabı Keşikçiləri Korpusunun (SEPAH) yüksək komandiri Qasım Süleymani -nin dəfn mərasimi və 2021-ci ildə İran prezidenti İbrahim Rəisinin andiçmə mərasimi olub.
Əkbər Novruz
