20 Yanvar: cəzasız qalan cinayət

Analitika 14:20 20.01.2025

Sovet qoşunlarının Azərbaycanda törətdikləri qırğılardan 35 il ötür. Bu gün tarixdə "Qara Yanvar", "Qanlı Yanvar", "20 Yanvar faciəsi" olaraq adlansa da, qürur, iftixar və şərəflə yad edilir. Bu gün kommunist müstəmləkəsinə, zülmünə qarşı Azərbaycanın apardığı mübarizənin rəmzi, simvolu, simgəsidir. Həmin illərin Moskvası bütün hikkəsini müttəfiq respublikanın əhalisinə göstərdi, acığını, qisasını ondan almağa çalışdı.

Yanvarın 20-nə keçən gecə Bakı küçələrində "at oynadan" saqqallı xüsusi təyinatlı sovet hərbçiləri fərqinə varmadan hər kəsə atəş açdılar. Onlara verilən tapşırıq Azərbaycan cəmiyyətini qorxutmaq, insanların azadlıq uğrunda mübarizəsini sındırmaq idi.

1990-cı il yanvarın 19-dan 20-nə keçən gecə saat 23:30-da Sovet İttifaqı qoşunları SSRİ Ali Sovetinin Rəyasət Heyətinin "Bakı şəhərində fövqəladə vəziyyət elan edilməsi haqqında" Fərmanına uyğun olaraq və siyasi müxalifət nümayəndələrinin təşkil etdiyi kütləvi “iğtişaşların” qarşısını almaq üçün Bakıya daxil olublar.

Sovet ordusunun Bakıya və Azərbaycanın rayonlarına qanunsuz daxil olması və acıdığı atəş nəticəsində 131 nəfər şəhid olmuş, 744 nəfər yaralanmış, 4 nəfər itkin düşmüş, 400 nəfər həbs edilmişdir. Hərbçilərin yandırıcı güllələrdən törətdikləri yanğınlar nəticəsində 200 ev və mənzil, 80 minik avtomobili, o cümlədən təcili tibbi yardım maşınları, dövlət və şəxsi əmlak məhv edilib. Ölənlər arasında qadınlar, uşaqlar və qocalar, təcili yardım xidmətinin əməkdaşları və polis əməkdaşları da var.

Sovet hərbi gəmilərindən açılan atəş nəticəsində Azərbaycana aid “Neftqaz-18”, “Neftqaz-64”, “Aktau”, “Şirvan-2”, “Çeleken-1”, “Atlet-21”, “Vodoley-4” gəmiləri ciddi zədələnmişdi.

Sovet hərbçiləri yanvarın 25-də Neftçalada və 26-da isə Lənkəranda səkkiz nəfəri şəhid etmişdi.

67–50 АГП, 67–51 АГП, 39–97 АГС dövlət qeydiyyat nişanlı təcili yardım maşınları tanklarla atəşə tutulmuşdu. Həkim A.M.Marxevka öldürülmüşdü. Süngü-bıçaqla qətl hadisələri də olub. Belə qurbanlardan biri kor və milliyətcə rus B.V.Yefimiçevdir.

1990-cı il yanvarın 22-də Azərbaycan SSR Ali Sovetinin növbədənkənar sessiyası keçirildi. Baş vermiş hadisələrə siyasi qiymət verildi. Ali Sovetin hadisələri araşdıran Komissiyasının Bəyanatında qeyd edilirdi ki, müttəfiq hakimiyyət orqanları Azərbaycan SSR-in suveren hüquqlarına etinasız yanaşır, SSRİ-nin yaradılması haqqında Müqavilənin şərtlərini, SSRİ Konstitusiyasını və Azərbaycan SSR Konstitusiyasını pozurlar.

 O vaxt Moskvada yaşayan Heydər Əliyev 1990-cı il yanvarın 19-dan 20-nə keçən gecə sovet qoşunlarının Bakıda törətdiyi qanlı faciə ilə əlaqədar yanvarın 21-də Azərbaycanın Moskvadakı nümayəndəliyində bəyanatla çıxış etdi. Azərbaycan xalqına qarşı törədilmiş cinayətin təşkilatçıları və icraçılarının cəzalandırılması tələbini qoydu.

O, Moskvada bütün gərginliklərə, təzyiqlərə baxmayaraq, hadisələrə  ətraflı qiymət vermişdi. Bunu Azərbaycanda milli-azadlıq mübarizəsinə  dəstək də saymaq olardı. Həmin dövrdə Azərbaycanın güvəndiyi  dövlət və ya beynəlxalq səviyyəli  qurum  yox idi.

Yeri gəlmişkən, mərhum Prezident Heydər Əliyev 1998-ci il martın 31-də 1990-cı ilin yanvarında Azərbaycanın azadlığı uğrunda şəhid olanların xatirəsini əbədiləşdirmək məqsədilə "20 Yanvar Şəhidi" fəxri adının təsis edilməsi haqqında fərman vermişdi.

Həmin illərdə Baltikyanı ölkələrdəki hərəkatları Avropa İttifaqı, ABŞ dəstəkləsə də, Azərbaycan yalnız öz gücü sayəsində həm Qarabağda erməni separatçılarına və havadarlarına qarşı mübarizə aparır, həm də milli-azadlıq hərəkatını xaricdən və daxildən atılan çamırlardan qoruyur, müstəqillik uğrunda mübarizəsini davam etdirirdi.

Sovetin siyasi və hərbi rəhbərliyi əsl məqsədi gizlətmək üçün birmənalı şəkildə erməniləri müdafiə etdiklərini bildirirdi. Ancaq əsas hədəf Azərbaycan milli azadlığı, mübarizəni yatırtmaq, Qarabağda ermənilərə yardım edən sovet hərbçilərinin işğalı genişləndirməsinə nail olmaq idi.

Bu hadisənin başlıca günahkarı SSRİ-nin ovaxtkı rəhbəri Mixail Qorbaçov, baş nazir Nikolay Rıjkov, müdafiə naziri Dmitri Yazov, dövlət təhlükəsizlik komitəsinin sədri Vladimir Kryuçkov, daxili işlər naziri Vadim Bakatin, Yevgeni Primakov, Viktor Lebed və başqalarıdır.

Azərbaycan xalqı beynəlxalq miqyasda daha bir ədalətsizliklə üzləşdi. Yanvar hadisələrinin qatili, cani Mixail Qorbaçov 1990-cı ilin oktyabrın 15-də “Bugünkü beynəlxalq vəziyyətin əsas hissəsini xarakterizə edən Sülh prosesindəki aparıcı roluna görə" Nobel Sülh Mükafatına layiq görülmüşdü. Bu, həm də beynəlxalq ictimaiyyətin respublikada baş verənlərə, yanvar hadisələrinə münasibətinin göstəricisi idi. Belə yanaşma sonrakı illərdə Azərbaycan torpaqlarının işğal olunmasına beynəlxalq vasitəçilərin laqeyd münasibətində də özünü göstərdi.

ATƏT-in Minsk qrupunun ABŞ, Fransa və Rusiya təmsilçilərindən ibarət həmsədrləri də fəaliyyətləri müddətində belə yanaşmaları ilə Qarabağın işğalda qalmasına xidmət etmişlər.

35 ildir bu cinayəti törədənlər cəzalanmayıb. Onların rəhbərləri ölsə də, qanlı hadisələri törədənlərdən sağ qalanlar hələ var.

Faşist hərbçilər, əsgərlər, onlara qulluq etmiş şəxslər illər sonra aşkarlanaraq cinayət məsuliyyətinə cəlb olunurdular. 2023-cü ilin aprelində 102 yaşlı faşist məhkum Yozef Şütz öldü. Ona hökm bir il öncə oxunmuşdu. Yozef Şütz həbs düşərgələrində kütləvi qətllərdə iştirak edib.

Bu, həm də sonrakı nəsil üçün bir tərbiyə üsuludur. Yaşından, sosial mövqeyindən asılı olmayaraq insanlığa qarşı cinayət törədənlər cəzalanır. Təəssüf ki, SSRİ mövcudluğu dövründə törətdiyi cinayətlərə görə heç vaxt cəzalanmadı. Sovetlərin Almaniya, Macarıstan, Çexoslovakiya, Polşa, Əfqanıstan, Vyetnam, Gürcüstan, Azərbaycanda törətdiyi vəhşiliklərlə bağlı Moskva üzr belə istəmədi.

SSRİ-nin varisi Rusiyadır. Ondan qalan bütün mülkiyyəti mənimsəyib, sahib çıxıb. Kreml sələfinin bu kimi əməllərinə görə üzr istəməyib.

Məsələn, ABŞ Şimali Amerikanın yerli sakinləri olan hindulardan üzr istəyib. Yaxud 1819-cu ildən 1969-cu ilə qədər Ştatlarda dövlət tərəfindən idarə olunan 400-dən çox internat məktəbi olub. Həmin illərdə hindu uşaqlarına qarşı tətbiq edilən zorakılıqlara görə də Ağ ev üzr istəyib. Ancaq Moskva çar Rusiyasının, sovetlərin törətdiyi cinayətlərə görə heç vaxt üzr istəməyib.

20 Yanvar müstəmləkə rejiminin iki yüz il ərzində Azərbaycanda həyata keçirdiyi faciəvi əməllərə daha bir örnəkdir.

 
1804-cü il yanvarın 3-də çar Rusiyası əsgərləri Gəncə xanlığının paytaxtı Gəncə şəhərini ələ keçirib. Gəncə xanlığı Kür çayının sağ sahilində Alazan çayının mənsəbinə qədər yerləşirdi. General Sisianov Qacarlar nəslindən olan V Gəncə xanı Cavad xandan təslim olmağı tələb edəndə Cavad xan imtina etmişdi. Gəncəyə yaxınlaşarkən Cavad xan onlarla savaşdı və məğlub oldu. Ancaq 1804-cü il yanvarın 3-də sübhçağı iki dəstəyə bölünmüş Sisianovun ordusu Gəncə üzərinə yürüş etdi. Qanlı həmlə zamanı Cavad xan ortancıl oğlu Hüseynqulu xanla birlikdə öldürüldü.

Yanvar həm də Azərbaycanın müstəmləkəyə qarşı mübarizəsi ayıdır. Bu ay Azərbaycanın azadlığı, ərazi bütövlüyü, suverenliyi uğrunda mübarizədə şəhid olmuş insanların anım günüdür. SSRİ, Rusiya həmişə ermənilərdən Azərbaycana təzyiq göstərmək üçün alət olaraq istifadə edib. Yüzillik problem də məhz bu gün həllini tapıb.

20 Yanvar şəhidləri həm də milli birlik günüdür. Bu güc özünü müstəqillik uğurunda mübarizədə, torpaqların işğaldan azad olunmasında da göstərib. Şəhidlər nəsillər üçün əbədi örnəkdir. Onlar azadlığın, müstəqilliyin, ərazi bütövlüyünün, mübarizənin simgəsidir.

Mənbə: REPORT.az

Bakıda restoranın fəaliyyəti dayandırıldı - VİDEO

Xəbər xətti

“Google” Polşa vətəndaşlarının süni intellektlə işləməyi öyrənməsi üçün 5 milyard dollar ayıracaq
16:38 13.02.2025
Modi Mask ilə görüşmək istəyir
16:35 13.02.2025
Müharibə başlayandan bəri Azərbaycana iki milyona yaxın Rusiya və Ukrayna vətəndaşı gəlib
16:02 13.02.2025
Səfərbərlik Xidmətinin bəzi əməkdaşları təltif olundu
15:30 13.02.2025
Samir Şərifova daha bir vəzifə verildi
15:28 13.02.2025
Maqsud İbrahimbəyovun 90 illiyi qeyd olunacaq
15:26 13.02.2025
Tramp "Şimal-Cənub" dəhlizini bloklayır
15:21 13.02.2025
AKP "Qəzza Türkiyəyə birləşməlidir" fikrinə münasibət bildirdi
15:11 13.02.2025
Teymur Rəcəbov Azərbaycan çempionatında mübarizəni dayandırdı
14:25 13.02.2025
"Turan" İnformasiya Agentliyi fəaliyyətini dayandırır?
14:04 13.02.2025
"Rusiyada azərbaycanlılara məxsus bazarların bağlanması barədə xəbərlər həqiqət deyil"
13:37 13.02.2025
Rəsmi Moskva ABŞ ilə danışıqların aparmaq üçün qrup yaradır
13:30 13.02.2025
"Sputnik" və BBC-nin Azərbaycan nümayəndəlikləri bağlanır
12:49 13.02.2025
İlyas Yalçıntaş cərimələndi
12:37 13.02.2025
"Avropa Parlamentinin qətnaməsi Gürcüstana qarşı növbəti hücumdur"
12:08 13.02.2025
"ƏDV ödəyicilərinin sayında üç dəfəyə yaxın artım var"
12:07 13.02.2025
HPV peyvəndi pulsuz olacaq
11:46 13.02.2025
"Qalatasaray" - "Fənərbağça" görüşünü əcnəbi hakim idarə edəcək
11:38 13.02.2025
Azərbaycan Ermənistandan tam təzminat tələb edir
11:31 13.02.2025
Tramp Kiyevsiz sülh planı hazırlayır?
10:54 13.02.2025
Keçmiş nazir axtarışa verildi
09:33 13.02.2025
"Onların hamısını alaq otu kimi məhv etmək lazımdır"
09:01 13.02.2025
Belarus səmalarında naməlum PUA-lar uçuşur
07:22 13.02.2025
Süni intellekt həyatımızı alt-üst edəcək?
06:02 13.02.2025
"İsrailin maraqları Azərbaycanı Ermənistanla münaqişədə dəstəkləməyi tələb edir"
05:51 13.02.2025
"ABŞ Quantanamonu geri qaytarmalıdır"
05:36 13.02.2025
"Qudison Park"-da Mersisayd dramı
01:46 13.02.2025
Lars fon Trier xəstəxanaya yerləşdirildi
00:42 13.02.2025
Mondi Trampla görüşəcək
00:06 13.02.2025
"ABŞ Rusiyanı rəqib kimi görür"
22:02 12.02.2025
Ukraynanın Milli Təhlükəsizlik Şurası Poroşenkoya sanksiyalar tətbiq etdi
21:16 12.02.2025
"Alüminium bahalaşsa, plastik butulkalara keçəcəyik"
19:07 12.02.2025
Azərbaycan-Pakistan Ticarət və Sənaye Palatasının açılışı oldu
18:13 12.02.2025
Aİ “missiyası” növbəti dəfə Ermənistan-Azərbaycan sərhədində müşahidə aparıb
18:02 12.02.2025
"Əfv Məsələləri Komissiyasının ilk iclasında 100-dən çox müraciətə baxılıb"
17:35 12.02.2025
"Son beş ildə məişət zorakılığı ilə bağlı müraciətlərin sayı 3,3 dəfə artıb"
17:12 12.02.2025
"Aİ ilə bağlı qanun AİB və Rusiya ilə münasibətlərdə riski artırmır"
17:09 12.02.2025
"Kanada heç vaxt ABŞ-nin 51-ci ştatı olmayacaq"
17:04 12.02.2025
"Azərbaycan bizim ölkəyə Afrika bazarlarının qapısı kimi baxa bilər"
16:53 12.02.2025
"ABŞ İsraili İrana hücum etməyə təhrik edir"
16:29 12.02.2025
Hamısı