Məlum və naməlum Ter-Petrosyan... Hüseybala Səlimov Yazır...

Yazarlar 10:17 09.01.2025

Ötən həftənin sonunda birinci Ermənistan prezidenti Levon Ter-Petrosyanın 1993-cü ildə "erməni ümummilli hərəkatının” hərbi qanadının döyüşçüləri-terrorçuları qarşısında etdiyi bir çıxışın video yazısı bizim media məkanını tamam zəbt etdi: hamı bir neçə gün bu haqda yazdı -danışdı və proses hələ də davam edir.

İnsanları başa düşmək olar: ermənilər və onların başabəla liderləri azərbaycanlılara və türklərə qarşı törətdikləri cinayətləri heç də həmişə etiraf etmirlər. 

Amma bu video-yazısında onların birinci prezidenti açıq şəkildə Azərbaycanda və Ermənistanda yaşayan azərbaycanlılara qarşı törətdikləri cinayətlərdən danışır – bəli, bu, ən etibarlı və tutarlı sənəddir, çünki bütün bunları Ermənistanın o vaxtki lideri şəxsən özü etiraf edir və onun sözlərinin beynəlxalq hüquqi qiymətləndirilməsi nə vaxtsa veriləcək və biz buna çalışmalıyıq...

Etiraf edirik ki, Ter-Petrosyanın 90-cı illərdəki çıxışndan sonra, hansında ki o öz vətəndaşlarını Azərbaycanla sülhə çağırırdı və buna görə postundan istefa verməli oldu, bizim Azərbaycanda ona münasibət bir az dəyişmişdi.

Hamı hesab edirdi ki, Levon Ter-Petrosyan demək olar, ilk erməni lideri oldu ki, realist və praqmatik kimi hərəkət etməyə çalışdı. 

Biz hələ də onun o məşhur yazısının Azərbaycanın siyasət və jurnalistika dairələrində hansı reozanans doğurduğunu yaxşı xatırlayırıq.

Amma daim qeyd edirdik ki, bütün hallarda, unutmaq lazım deyil: müvəqqəti olaraq itirdiyimiz ərazilərimizin hamısı Ter-Petrosyanın hakimiyyəti dövründə işğal olunmuşdu! 

Unutmaq lazım deyil ki, o, "erməni milli-azadlıq hərəkatının” ən əsas liderlərindən olub və o vaxt müstəqilliyə can atan digər iki Cənubi Qafqaz ölkəsilə - Azərbaycan və Gürcüstanla birlik və həmrəylik nümayiş etdirməməyə görə birbaşa məsuliyyət daşıyır. Ondakı Pribaltika respublikalarının öz aralarında göstərdiyi həmrəyliyi və birliyi üç Cənubi Qafqaz respublikası da göstərə bilərdi! 

Amma bunun əvəzində Levon və onun "milli hərəkatı” Azərbaycana qarşı qanlı müharibəyə başladı ki, Qarabağı ondan qoparsınlar! Əgər o vaxt üç Qafqaz respublikası arasında birlik və həmrəylik olsaydı, Ermənistan Kremlin tütəyinin havasına oynamasaydı, indi hər şey başqa cür olardı – bəlkə Baltik respublikaları kimi lap NATO üzvü olardıq, bütün hallarda, bu üç respublikanın hər biri daha azad və demokratik olardı, heç bir müharibə, etnik və ərazi münaqişələri olmazdı! 

Xatırladaq ki, ötən əsrin əvvəllərində də belə olmuşdu. O vaxt da erməni siyasətçiləri bizim Respublikaçı Ataların təklif etdikləri çox müətəqqi  ideyaya - Qafqaz Evi təklifinə dəstək verməmiş, Azərbaycana və azərbaycanlılara qarşı özlərinin məkrli siyasətlərini davam etdirmişdilər!

Hətta indinin özündə də Ermənistanla həm də ona görə sülh bağlaya bilmirik ki, onun "qanunvericiliyində”, əsas "hüquqi aktlar”ında Azərbaycana və Türkiyəyə qarşı birbaşa ərazi iddiaları var. Axı həmin maddələr ora salınarkən Ermənistanın lideri və rəhbəri Ter-Petrosyan idi və o özü bu prosesdə bilvasitə iştirak etmişdi!
 Ermənistanla danışıqlarda iştirak edən bizim bəzi diplomatlarımız belə bir detalı xatırlayırdılar: ”Biz bir dəfə Levona dedik ki, Dağlıq Qarabağa Tatarstanın malik olduğu statusu verməyə hazırıq. O, bizə inanmadı və soruşdu ki, doğrudanmı bunu edərsiniz? Biz təklifimizin ciddi olduğunu bir daha təsdiqlədik, amma Kremldə Levonun qulağına nə pıçıldadılarsa, o yenə də Dağlıq Qarabağın tam müstəqilliyindən danışmağa başladı...”

Bəli, sonda o, deyəsən, səhv etdiyini anladı, hətta onu özünəməxsus şəkildə düzəltməyə çalışdı, amma gec idi və Levon özünün də müəllifi olduğu siyasi avantüranın qurbanı oldu: istefa verdi və Matenadarana "qədim erməni əlyazmaları” ilə məşğul olmağa yollandı...

İnsaf naminə deyək ki, hazırda jurnalist Nikol Paşinyan guya nəinki keşmiş komsomol katibləri, sonrakı hərbi cəlladlar, xuntaçılar – Koçaryanın və Sarqsyanın, hətta şərqşünas, ermənişünas, hətta hazırda elmlər doktoru olan Ter-Petrosyanın da səhvlərini düzəltməyə çalışır, baxmayaraq ki, o, da bunu ürəksiz, istəmədən, qeyri-ardıcıl şəkildə, nala mıxa vuraraq edir. Bəlkə də ona görə ki, öz dərisindən qorxur! 

Amma bu, bir faktdır ki, məhz ter-petrosyanlar, koçaryanlar və sarqsyanlar bir vaxt hər şeyi etdilər ki, Ermənistanın Azərbaycan və Türkiyəylə barışığı alınmasın, üç ölkə arasında sülh bərqərar olmasın!

Məhz onlar ermənilərin başabəla ideoloqlarının "əməllərini”, "nəzəriyyələrini” davam etdirərək illərlə erməni xalqının beynini, şüurunu zəhərlədirlər. Guya indi Paşinyan bu insanların düşüncəsini dəyişməyə cəhdlər edir, amma hələ ki ciddi irəliləyiş etməyib bu xüsusda, çünki özü də vaxtilə belə "ideoloji aşınmaya”, təsirə məruz qalıb, lap böyük Ziqmund Freyd demişkən: insanın davarnışı uşaqlıq vaxtı topladığı təcrübədən asılı olur...

Hətta özünün 90-cı illərdəki sülh çağırışını Azərbaycana və azərbaycanlılara məhəbbətindən etməmişdi. Bunun da səbəbləri vardı.

Birincisi, Qarabağ hərbi–siyasi teatrında o vaxtki şərait ermənilərin xeyrinə idi, çünki onlar nəinki Dağlıq Qarabağı və hətta ətraf rayonları da işğal etmişdilər və danışıqlarda bundan Azərbaycana qarşı əlavə təzyiq elementi kimi istifadə edirdilər. Levon başa düşürdü ki, əbədi belə qalmayacaq və ermənilər gec-tez bu üstünlükdən məhrum olacaqlar...

İkincisi, o vaxt Bakı Dağlıq Qarabağa dünyada təsadüf olunan ən yüksək muxtariyyət statusunu verməyə məcbur idi və Ter-Petrosyan anlamışdı ki, bu fürsəti əldən vermək olmaz, çünki bu da əbədi olmaycaq, belə ki, Azərbaycan gec-tez özünün güclü ordusunu yaradacaq, sosial-iqtisadi böhrandan çıxacaq və regionun ən güclü dövləti olacaq və üstəlik, Rusiya ilə də dil tapacaq, çünki heç sonuncu da özünün Cənubi Qafqaz siyasətini bütünlüklə Ermənistanın və ermənilərin maraqlarına tabe etmək istəmir...

Həm də Azərbaycanın tərəfində Türkiyə kimi güclü geosiyasi faktor vardı, hansı ki, həm Rusiyaya, həm də Qərbə təzyiq etmək gücündədir və Ter-Petrosyan anlayırdı gec-tez Azərbaycanın bu resursu da özünü göstərəcək!

Bir sözlə, Ter-Petrosyan da qatı erməni millətçisidir və bunu son video-yazı da bir daha göstərdi. Onun digər erməni cəlladlarından fərqi yalnız onda da idi ki, daha savadlı və hiyləgər idi. Belədə isə, Ter-Petrosyan da Azərbaycana və azərbaycanlılara qarşı bütün cinayətlərin iştirakçısı, bəzi hallarda isə hətta rəhbəri və ideoloqu olmuşdu...

Müəllif: Hüseynbala Səlimov

Mənbə: "Qaynarİnfo"

BAMF BMT-nin İnsan Hüquqları Şurasında Azərbaycanlı uşaqlarla bağlı bəyanat yayımladı

Xəbər xətti

“OPEC+” “səkkizliyi” hasilatın artımını sürətləndirəcək
16:21 03.04.2025
Antiterror əməliyyatından sonra David İşxanyanın Xankəndidəki hotelində silah-sursat aşkarlanmışdı
16:19 03.04.2025
Sinqapur Prezidenti dövlət başçısı və Mehriban Əliyevanı təbrik edib
16:16 03.04.2025
İranın nüvə laboratoriyaları vurula bilər
15:36 03.04.2025
"Bakı və İrəvan arasında sazişin imzalanması regionda sabitliyə gətirib çıxaracaq"
14:46 03.04.2025
Trampın qərarı bazarlara "qorxu saldı", qızıl isə tarixi rekord qırdı
13:42 03.04.2025
"DOGE USAID-in əməkdaşlarına işdən çıxarılma ilə bağlı səhv sənədlər göndərib"
13:39 03.04.2025
İlham Əliyevə təbriklər gəlməkdə davam edir
13:24 03.04.2025
"ABŞ NATO-da qalacaq"
13:13 03.04.2025
Azərbaycan Dilinin Orfoqrafiya Lüğətinin hazırlanmasında süni intellektdən istifadə olunur
13:03 03.04.2025
Rusiyada gəmi təmiri zavodunda yanğın baş verib
12:49 03.04.2025
Bu il Bakıda Ombudsmanların Simpoziumu keçiriləcək
12:46 03.04.2025
Ən kiçik uçan robot hazırlandı
12:37 03.04.2025
Bu vitamin əlavələrini qətiyyən qəbul etməyin -Həkimdən xəbərdarlıq
12:27 03.04.2025
Hindistanda qırıcı təyyarə qəzaya uğradı: Ölən və yaralanan var
12:19 03.04.2025
Türkiyədə boykot çağırışı edən 10 nəfər saxlanıldı
12:16 03.04.2025
"2024-cü ildə azı 56 min insan itkin düşüb"
11:38 03.04.2025
ABŞ-ın mərkəzi ştatlarında güclü qasırğa baş verib
11:35 03.04.2025
31 Mart: Sessiz Çığlık Adnan Fişənk yazır...
11:34 03.04.2025
Venesuela-Azərbaycan Dostluq qrupunun rəhbəri Fəxri xiyabanı ziyarət edib
11:22 03.04.2025
Myanmarın Zəlzələ Fəlakəti və Humanitar Böhran davam edir
11:13 03.04.2025
Türkiyədə son beş ildə bir milyondan çox qanunsuz miqrant saxlanılıb
11:09 03.04.2025
Bu pendirlər marketlərdən yığışdırılacaq
11:09 03.04.2025
Azərbaycan incəsənət ustaları ilk dəfə Özbəkistanda tələbələr üçün ustad dərsləri keçiblər
10:59 03.04.2025
ABŞ-ın Yeni Ticarət Tarifləri: Donald Trampın Qlobal İqtisadiyyata Dəyişiklik Təklifi
10:57 03.04.2025
Ağdərədə insan sümükləri tapıldı
10:40 03.04.2025
Moskva vilayətində baş verən yanğında dörd nəfər ölüb
10:37 03.04.2025
NATO ölkələri 2025-ci ildə Ukraynaya 21 milyard dollardan çox yardım göstərib
10:29 03.04.2025
Yüzlərlə göbələk növü yox olmaq təhlükəsi ilə üzləşib
10:26 03.04.2025
Donald Trampın Ticarət Siyasəti: Qlobal İqtisadiyyata Təsirləri və Risklər
10:22 03.04.2025
Bu ərazilərdə güclü külək əsir
09:24 03.04.2025
Kəlbəcər yenidən dirçəlir
09:11 03.04.2025
Qlobal istiləşmə dünyanı kasıblığa sürüyür
08:17 03.04.2025
Pakistan prezidenti xəstəliyə yoluxdu
08:12 03.04.2025
Çin ABŞ tarifləri ilə bağlı əks tədbirlər görəcək
08:03 03.04.2025
Banqkokda dağılmış binanın altından 14 cəsəd tapıldı
07:56 03.04.2025
İsveçrədə dünyanın ən mürəkkəb mexaniki qol saatı təqdim olunub
07:26 03.04.2025
Tramp pinqvinlərə rüsum tətbiq edəcək
02:54 03.04.2025
Qazaxıstanda böyük nadir torpaq elementləri yatağı aşkarlanıb
01:13 03.04.2025
"Qalatasaray" "Fənərbağça"nı məğlub edərək yarımfinala yüksəldi
00:12 03.04.2025
Hamısı